महाराष्ट्र न्यूज वन प्रतिनिधी, कोल्हापूर : पर्यावरण संवर्धन, सामाजिक उत्तरदायित्व आणि श्रमसंस्कार यांचा सुंदर संगम घडवत कौन्सिल ऑफ एज्युकेशनतर्फे निमशिरगाव येथे उभारण्यात येत असलेल्या देशभक्त पद्मश्री डॉ. रत्नाप्पाण्णा कुंभार स्मारक व संविधान संकुल परिसरात वृक्षारोपण व श्रमदान शिबिर उत्साहपूर्ण वातावरणात झाले. परिसरात शंभरहून अधिक वृक्षांची लागवड करण्यात आली.

 आंबा, उंबर, फणस, बदाम, पिंपळ यांसह विविध देशी व पर्यावरणपूरक वृक्षांच्या रोपांचे रोपण करून भावी पिढ्यांसाठी हरित वारसा जपण्याचा संकल्प करण्यात आला. या उपक्रमासाठी कौन्सिल ऑफ एज्युकेशनचे सचिव डॉ. विश्वनाथ मगदूम यांनी प्रमुख उपस्थिती होती. त्यांनी, ‘पर्यावरण संरक्षण ही काळाची गरज असल्याचे सांगत प्रत्येकाने किमान एक वृक्ष लावून त्याचे संगोपन करण्याची जबाबदारी स्वीकारावी,’ असे आवाहन केले. या उपक्रमात देशभक्त रत्नाप्पा कुंभार कॉलेज ऑफ कॉमर्स, कोल्हापूर, नाईट कॉलेज ऑफ आर्ट्स अँड कॉमर्स, पार्वतीदेवी कुंभार कॉलेज ऑफ नर्सिंग, शहाजी लॉ कॉलेज, कोल्हापूर आदी संस्थांचे प्राचार्य, प्राध्यापक, शिक्षक, शिक्षकेतर कर्मचारी तसेच एनएसएस व एनसीसीचे स्वयंसेवक आणि विद्यार्थी सहभागी झाले