महाराष्ट्र न्यूज वन प्रतिनिधी, कोल्हापूर : ‘कोल्हापूर – वैभववाडी रेल्वे प्रकल्पाला गती मिळावी, ईएसआय मेडिकल कॉलेज सुरू करावे’ या मागणीचे निवेदन कोल्हापूर फर्स्टतर्फे केंद्रीय गृहमंत्री अमित शहा यांना देण्यात आले. याप्रसंगी कोल्हापूर फर्स्टतर्फे अध्यक्ष सुरेंद्र जैन यांच्या हस्तसे गृहमंत्री शहा यांना मानपत्र प्रदान करण्यात आले. शिष्टमंडळात सचिव बाबासाहेब कोंडेकर, कमलाकांत कुलकर्णी, मोहन कुशिरे, हरिश्चंद्र धोत्रे, सचिन शानबाग, जयदीप पाटील, पद्मसिंह पाटील, नितीन वाडीकर आदींचा सहभाग होता. या निवेदनाद्वारे, ‘कोल्हापुरात खेलो इंडिया  योजनेंतर्गत आधुनिक क्रीडा संकुल एकात्मिक पर्यटन विकास प्रकल्प, कोल्हापूर –सांगली –इचलकरंजी या तीन शहरी क्षेत्राचा एकात्मिक विकास करावा.’अशी मागणी केली आहे.