महाराष्ट्र न्यूज वन प्रतिनिधी, कोल्हापूर : रोटरी क्लब ऑफ कोल्हापूर सेंट्रलच्या अध्यक्षपदी डॉ. भूषण शेंडगे आणि सचिवपदी उद्योजक अविनाश चिकनीस यांनी पदभार स्वीकारला. ज्येष्ठ रोटेरियन सी.एम .बेंद्रे यांच्या हस्ते पदग्रहण सोहळा झाला.

यावेळी बोलताना बेंद्रे यांनी रोटरीच्या  माध्यमातून माणुसकी जपत समाजातील विविध घटकांना मदत करण्याबरोबरच त्यांना आर्थिक स्थैर्य मिळवून देण्यासाठी  सुरू असलेल्या विविध उपक्रमांची माहिती दिली. मावळते प्रेसिडेंट अभिजीत भोसले यांनी गेल्या वर्षभरातील उपक्रमांची माहिती दिली. नूतन अध्यक्ष शेंडगे यांनी आपल्या कार्यकाळात सामाजिक बांधिलकी जपणारे उपक्रम राबविण्याचा मनोदय व्यक्त केला.  सचिव चिकनिस यांनी आभार मानले. रवी खोत, आर. वाय.पाटील यांचा उत्कृष्ट रोटेरियन म्हणून सत्कार करण्यात आला. यावेळी असिस्टंट गव्हर्नर अभयसिंह बिचकर, संजय साळोखे, नीलेश पाटील उपस्थित होते. संदीप साळोखे यांनी सूत्रसंचालन केले.