महाराष्ट्र न्यूज वन प्रतिनिधी, कोल्हापूर : संघटनात्मक बांधणीसाठी जनसुराज्य शकती पक्षाने कोल्हापूर शहर आणि जिल्ह्यासाठी पदाधिकाऱ्यांच्या नियुक्त्या केल्या आहेत. जनसुराज्य शक्ती पक्षाचे प्रदेशाध्यक्ष समित कदम यांनी निवडी जाहीर केल्या. जनसुराज्य शक्ती पक्षाच्या जिल्हाध्यक्षपदी माजी नगरसेवक सुभाष रामगुडे यांची नियुक्ती करण्यात आली. उपमहापौर अक्षय विक्रम जरग यांच्याकडे पक्षाने युवक जिल्हाध्यक्षपदाची जबाबदारी सोपविली आहे. शेखर जाधव यांच्याकडे कोल्हापूर शहराध्यक्षपद सोपविले आहे. तर भारतीय जनता पक्षाचे माजी नगरसेवक आर. डी. पाटील यांनी जनसुराज्य शक्ती पक्षात प्रवेश केला आहे.  हॉटेल पॅव्हेलियन येथे रविवारी, तेरा सप्टेंबर रोजी आयोजित पत्रकार परिषदेत पदाधिकाऱ्यांना नियुक्तीचे पत्र दिले. याप्रसंगी समन्वयक शांतीलाल लिंबाणी उपस्थित होते.