महाराष्ट्र न्यूज वन प्रतिनिधी : अखिल भारतीय ठेका मजदूर महासंघाची (संलग्न भारतीय मजदूर संघ) राष्ट्रीय कार्यकारिणीची दुसऱ्या दिवसाची बैठक आंध्रप्रदेशमधील विजयनगरम येथे पार पडली. सकाळी महेला फार्मास्युटिकल्स कंपनी परिसरात भारतीय मजदूर संघाचा झेंडा अनावरण करण्यात आला. त्यानंतर औद्योगिक वसाहतीतील कंत्राटी कामगारांनी शोषणाविरोधात आणि मूलभूत हक्कांसाठी एक भव्य मोटारसायकल रॅली काढली. "किमान वेतन २६ हजार द्या, ईइसआय मर्यादा ४२ हजारपर्यंत वाढवा, पीएफ लागू करा’अशा घोषणा देत परिसर दणाणून गेला. कंत्राटी कामगारांना स्थिर रोजगार मिळावा, भारतीय मजदूर संघासोबत त्वरित बैठक घेऊन निर्णय जाहीर करावा.जर सरकारने लवकरात लवकर सकारात्मक प्रतिसाद दिला नाही, तर संपूर्ण देशात तीव्र आंदोलन छेडण्यात येईल, असा स्पष्ट इशारा यावेळी महासंघाने दिला. मोर्चाचे नेतृत्व  –अखिल भारतीय ठेका मजदूर महासंघाचे अध्यक्ष कंदी श्रीनिवासन,  सचिन मेंगाळे, के. व्ही. राधाकृष्णन, डॉ. अ‍ॅलपी राजू, सत्यव्रत स्वाई ,सत्यनारायण ,मलय ,अनिकेत चक्रवर्ती कल्याण चौधरी आदींनी केले. मोर्चात शेकडो कामगार ऊत्स्फूर्तीने सहभागी झाले होते. महाराष्ट्रातील कंत्राटी कामगारांसाठी ईएसआय कार्यालय समोर आंदोलन छेडण्यात येईल असे सरचिटणीस सचिन मेंगाळे यांनी सांगितले.