बिद्री आरोग्य केंद्राच्या उद्घाटनावरुन मनोज फराकटेंचा विरोधकांना टोला
schedule27 May 23 person by visibility 415 categoryजिल्हा परिषद
*बिद्री प्राथमिक आरोग्य केंद्राचे उद्घाटन आमदार हसन मुश्रीफ यांच्याच हस्ते होईल
महाराष्ट्र न्यूज वन प्रतिनिधी,कोल्हापूर :
कागल तालुक्यातील बिद्री येथे पूर्णत्वास येत असलेले प्राथमिक आरोग्य केंद्राची मागणी, मंजुरी आणि त्याला अनुषंगिक निधी या सर्व बाबी आमदार हसन मुश्रीफ यांच्याच प्रयत्नातून झाल्या आहेत. आमदार मुश्रीफ यांच्या हस्तेच या प्राथमिक आरोग्य केंद्राचे उद्घाटन होईल, असे स्पष्टीकरण जिल्हा परिषदेचे माजी सदस्य मनोज फराकटे यांनी प्रसिद्धी पत्रकाद्वारे दिले आहे.
फराकटे यांनी म्हटले आहे, ‘ एनआरएचएम योजनेअंतर्गत बिद्री -बोरवडे, हमीदवाडा, हळदी ही तीन प्राथमिक आरोग्य केंद्रे आमदार मुश्रीफ यांनी बृहद आराखड्यामध्ये घालून प्रयत्न केले होते. त्यापैकी बिद्री येथे मंजूर झालेले प्राथमिक आरोग्य केंद्र १८ मार्च २०१८ रोजी निविदा काढून वर्कऑर्डर देण्यात आली होती. दरम्यान; अलीकडेच कोणीतरी जाऊन पाहणी करून आपल्याच प्रयत्नाने झाल्याचा भास निर्माण करीत आहेत. त्यांचा त्यावेळी राजकीय जन्मही झालेला नव्हता. स्टंटबाजी करणाऱ्यांची दखल घेण्याची गरज नाही असे त्यांनी म्हटले आहे.
