महाराष्ट्र न्यूज वन प्रतिनिधी, कोल्हापूर : कोल्हापूरचा विकास हे सूत्र ठरवून कोल्हापुरातील विविध संस्था एकवटलेल्या ‘कोल्हापूर फर्स्ट…’या संस्थेच्या शिष्टमंडळाने महापालिका आयुक्त डॉ. राजेंद्र भारुड यांची भेट घेतली. या भेटीत कोल्हापूर शहरातील विविध विकास प्रकल्पासंबंधी चर्चा झाली. कोल्हापूर फर्स्टचे चेअरमन सुरेन्द्र जैन यांनी कोल्हापूर जिल्ह्यातील ऐतिहासिक वारशांचे दर्शन घडवणारी फोटो फ्रेम देऊन आयुक्त भारुड यांना भेट दिले. आयुक्त भारूड यांनी यावेळी कोल्हापूर फर्स्टच्या कार्याचे कौतुक करत सहकार्याची भूमिका अधोरेखित केली. तसेच, कोल्हापूरच्या सर्वांगीण विकासासाठी कोल्हापूर महानगरपालिका व कोल्हापूर फर्स्ट यांनी समन्वयाने एकत्रित काम करण्याची भूमिका त्यांनी व्यक्त केली. या प्रसंगी उपाध्यक्ष डॉ कोडोलीकर, सचिव बाबासो कोंडेकर, सहसचिव जयदीप पाटील, हॉटेल मालक संघाचे सचिन शानबाग, सी. ए. असोसिएशन चेअरमन आशिष सेवेकरी, विशेष निमंत्रित मिलिंद आळवेकर, सतीश डकरे आदी उपस्थित होते.