महाराष्ट्र न्यूज वन प्रतिनिधी, कोल्हापूर : कोल्हापुरातील नामांकित शिक्षण संस्था असलेल्या श्री प्रिन्स शिवाजी मराठा बोर्डिंग हाऊस या संस्थेला माजी खासदार रामशेठ ठाकूर यांनी पंचवीस लाख रुपयांची देणगी दिली. त्या रकमेचा धनादेश ठाकूर यांनी, संस्थेचे चेअरमन के. जी. पाटील यांच्याकडे सुपूर्द केला. ठाकूर यांनी रयत शिक्षण संस्थेच्या शिवाजी कॉलेज सातारा येथून कमवा व शिका योजनेतून शिक्षण पूर्ण केले. सामाजिक बांधिलकी म्हणून ते विविध संस्थांना मदत करतात. याप्रसंगी शिवाजी विद्यापीठाचे माजी प्रकुलगुरू प्राचार्य अशोक भोईटे, न्यू कॉलेजचे प्राचार्य डॉ. व्ही. एम. पाटील उपस्थित होते.