कोल्हापूर आणि हातकणंगले लोकसभा मतदारसंघावर भारतीय जनता पक्ष आणि मित्र पक्षांनी दावा केला होता. त्यामुळे विद्यमान खासदारांना तिकीट मिळणार की नाही अशी चर्चा रंगली होती. दुसरीकडे दोन्ही विद्यमान खासदारानी आपणाला तिकीट मिळेल असे मुख्यमंत्री एकनाथ शिंदे यांनी आपणाला शब्द दिला आहे असे ठामपणे सांगितले होते.  हातकणंगले लोकसभा मतदारसंघांमध्ये महायुतीकडून रोज नवनवीन नावे चर्चेत येत होती. त्यामुळे या लोकसभा निवडणुकीत कोणाचा पत्ता कट होणार याकडे लक्ष लागले होते. मात्र गुरुवारी शिवसेना शिंदे गटाने जाहीर यादीमध्ये कोल्हापुरातून मंडलिक आणि हातकणंगलेमधून माने यांची नावे जाहीर झाली.