महाराष्ट्र न्यूज वन प्रतिनिधी कोल्हापूर :  करवीर निवासिनी श्री अंबाबाई  मंदिर येथे १४ ते १७ मार्च  2026 या कालावधीत पुरातत्व विभागामार्फत मंदिरातील श्री महाकाली, श्री अंबाबाई व श्री महासरस्वती या तिन्ही गर्भगृहांचे अंतर्गत व बाहय भागांचे जतन व संवर्धनाचे काम करण्यात येणार आहे. या कामाच्या अनुषंगाने या कालावधीत संबंधित गर्भगृहांमध्ये नेहमीप्रमाणे दर्शन व्यवस्था उपलब्ध राहणार नाही. त्यामुळे या कालावधीत भाविकांसाठी श्रीच्या प्राणप्रतिष्ठापीत मंगल श्रीकलश तसेच श्रींच्या उत्सवमूर्तीचे दर्शन मुक्ती मंडप (पितळी उंबरा) येथून करण्याची व्यवस्था करण्यात आलेली आहे. तसेच दरम्यानच्या काळात भक्तांना पितळी उंबरठा व श्री गणपती मंडप येथून दर्शन घेता येईल.१७ मार्च रोजी आवश्यक ते सर्व आगमोक्त्त व वेदोक्त धार्मिक विधी तसेच पूर्णाहुती संपत्र झाल्यानंतर दुपारी १२.३० वाजताच्या आरतीपासून श्री जगदंबेचे दर्शन पूर्ववत सुरू करण्यात येईल. भक्तांनी मंदिर प्रशासनास सहकार्य करावे, असे आवाहन पश्चिम महाराष्ट्र देवस्थान व्यवस्थापन समितीचे  सचिव शिवराज नाईकवडे यांनी केले आहे.