महाराष्ट्र न्यूज वन प्रतिनिधी, कोल्हापूर : जिल्हा परिषदेचे बांधकाम समितीच्या सभापती सारिका नांदेकर यांच्या अध्यक्षतेखाली बांधकाम समितीची बैठक झाली. या बैठकीत सभापती नांदेकर यांनी,‘ कोल्हापुरातील भाऊसिंगजी रोडवरील जिल्हा परिषद मालकीच्या जागा विकसित करण्यासंबंधी नियोजन करावे.’अशा सूचना दिल्या. जिल्हा परिषदेच्या वसंतराव नाईक सभागृहात ही बैठक झाली. या बैठकीत, जिल्हा परिषदेच्या आवारात नवीन कॅन्टिनसाठी जागा निश्चित करावी, सुरक्षा रक्षकासाठी शेड उभारणी करावी. जिल्हा परिषदेच्या उत्पन्नवाढीच्या दृष्टीने बांधकाम विभागाच्या विविध कामांसाठी शुल्क आकारणी करावी, तसेच पन्नास ते ७५ लाख रुपयांपर्यंतच्या विविध विकासकामांच्या निविदा मंजूर कराव्यात’अशा सूचना केल्या