महाराष्ट्र न्यूज वन प्रतिनिधी, कोल्हापूर : पालकमंत्री प्रकाश आबिटकर आणि महाराष्ट्र नियोजन मंडळाचे कार्यकारी अध्यक्ष आमदार राजेश क्षीरसागर यांच्या सूचनेनुसार जिल्हाधिकारी अमोल येडगे यांनी शिवसेना उपजिल्हाप्रमुख दीपक रंगराव चव्हाण यांची संजय गांधी निराधार योजनेच्या कोल्हापूर शहर अध्यक्षपदी निवड केली आहे. संजय गांधी निराधार योजना ही राज्य सरकारची महत्त्वाकांक्षी योजना असून यांतर्गत गरजू व्यक्तींना आर्थिक सहाय्य, वैद्यकीय मदत आणि सामाजिक संरक्षण मिळते. दीपक चव्हाण हे शिवसेना पक्षाचे कोल्हापूर उपजिल्हाप्रमुख म्हणून काम करत आहेत. त्यांनी शाखाप्रमुख, उप शहर प्रमुख पदावर काम केले आहे ते आमदर क्षीरसागर यांचे निकटवर्तीय आहेत ते आमदार राजेश क्षीरसागर यांच्या कोल्हापूर शहर प्रमुखपदा पासून त्यांच्या सोबत आहेत. पालकमंत्री आबिटकर यांच्या मार्गदर्शनाखाली आणि आमदार क्षीरसागर यांच्या सक्रिय सहभागाने ही नियुक्ती करण्यात आली. या पदावर एक प्रामाणिक कार्यकर्त्याची निवड करण्यात आली अशी भावना निर्माण झाली आहे.