एमफिल-पीएचडी प्रबंध सादर करण्यासाठी ३१ डिसेंबरपर्यंत मुदतवाढ
schedule25 May 21 person by visibility 737 categoryशैक्षणिक
महाराष्ट्र न्यूज 1 प्रतिनिधी, कोल्हापूर :
शिवाजी विद्यापीठाने, एमफिल व पीएचडी प्रबंध सादर करण्यासाठी ३१ डिसेंबर २०२१ पर्यंत मुदतवाढ दिली आहे. विद्यापीठाचे कुलसचिव विलास नांदवडेकर यांनी यासंबंधीचा आदेश काढला आहे. विद्यापीठ अनुदान आयोगाच्या मार्गदर्शक सूचना आणि कोरोना स्थितीमुळे हा निर्णय घेतला आहे. कुलसचिव नांदवडेकर यांनी म्हटले आहे, ‘कोरोना संसर्गाच्या पार्श्वभूमीवर प्रतिबंधात्मक उपाययोजना म्हणून एमफिल व पीएचडी विद्यार्थी, मार्गदर्शक व शिक्षकांना कळविण्यात येते की, प्रबंध सादर करण्यासाठी मुदतवाढ देण्यात आली आहे. ’