महाराष्ट्र न्यूज वन : दि प्रायव्हेट एज्युकेशन सोसायटी,कोल्हापूरच्या नियामक मंडळाचे विद्यमान चेअरमन, माजी विद्यार्थी संघाचे विद्यमान उपाध्यक्ष, प्रायव्हेट हायस्कूलचे माजी विद्यार्थी कोल्हापूरातील राजारामपुरी येथील प्रसिद्ध रेडिओलॉजिस्ट डॉ. सुनील कुबेर यांचे शुक्रवारी ( तेरा नोव्हेंबर 2026) पहाटे अल्पशा आजाराने  निधन झाले. डॉ.  कुबेर हे प्रायव्हेट हायस्कूलचे माजी विद्यार्थी होते.तसेच दि प्रायव्हेट एज्युकेशन संस्थेच्या माजी विद्यार्थी संघामध्ये गेली 22  वर्षे सक्रीयपणे कार्यरत होते. दि प्रायव्हेट एज्युकेशन सोसायटी संस्थेच्या नियामक मंडळात गेली अनेक वर्ष त्यांनी सदस्य म्हणून मोलाचे योगदान दिले आहे. डॉ. कुबेर यांनी गेल्या काही वर्षांपासून संस्थेच्या विविध उपक्रमांमध्ये त्यांनी विशेष पुढाकार घेतला होता. संस्थेच्या कार्याच्या विस्तारासाठी तसेच संस्थेच्या प्रगतीसाठी  मोलाचे योगदान दिले. राजारामपुरी येथे सातव्या गल्लीत व्यंकटेश क्लिनिक मध्ये गेली अनेक वर्षे ते प्रख्यात रेडिओलॉजिस्ट म्हणून रुग्णसेवा करीत होते.