महाराष्ट्र न्यूज 1 प्रतिनिधी, कोल्हापूर : राजर्षी शाहू महाराज यांच्या जीवनकार्यावर आधारित ‘चरित्र चित्रमय चित्ररथ’ हे लेटेस्ट तरुण मंडळाच्या गणेश विसर्जन मिरवणुकीचे आकर्षण असणार आहे अशी माहिती अध्यक्ष गजानन यादव यांनी दिली.

शुक्रवारी (ता.९ सप्टेंबर) सकाळी दहा वाजता श्रीमंत शाहू महाराज छत्रपती यांच्या हस्ते मिरवणुकीची सुरुवात होईल. बांधकाम व्यावसायिक व्ही. बी. पाटील कार्यक्रमाच्या अध्यक्षस्थानी असतील. राजर्षी शाहू महाराज कृतज्ञतापर्वाच्या निमित्ताने चरित्र चित्रमय चित्ररथ यंदाच्या मिरवणुकीत असणार आहे. राधानगरी धरण, कोल्हापूर-मिरज रेल्वे, अस्वल व वाघाशी झुंज, साठमारी, हत्तीचा खेळ असे विविध प्रसंग व घटना चित्रमय स्वरुपात दाखविण्यात येणार आहेत.

याशिवाय धनगरी ढोलपथक, संस्थानकालीन झेंडा, मंडळाचे २५० कार्यकर्ते पारंपरिक वेशात मिरवणुकीत सहभागी होतील. पत्रकार परिषेदला मंडळाचे उपाध्यक्ष प्रवीण फडतरे, कार्याध्यक्ष संजय पाटील, उपाध्यक्ष राजेंद्र दळवी, जीवन चोडणकर, अजित पोवार उपस्थित होते.

दरम्यान मिरवणुकीच्या नियोजनात अविनाश शिंदे, मंदार पोवार, आदित्य पोवार, संभाजी जाधव, शिवाजी दळवी, अजिंक्य पाटील, व्यंकटेश जाधव, सिद्धार्थ बेरळेकर, केदार सुर्यवंशी, दत्तात्रय हुजरे, हेमंत पाटील, मिलिंद हिर्लोस्कर इंद्रजित पोवार, पंडित पाटील, सुनील समडोळीकर, ऋतुराज म्हामुलकर, सुनील पाटील, संदीप शेलार, जितेंद्र कदम, सोहम गायकवाड, संतोष यादव, बबलू सावंत आदी मिरवणुकीच्या नियोजनात सक्रिय आहेत.