महाराष्ट्र न्यूज वन प्रतिनिधी, कोल्हापूर : शिवाजी विद्यापीठातील विविध विभागातील अधिकाऱ्यांच्या बदल्या झाल्या आहेत. उपकुलसचिव स्तरावरील या बदल्या आहेत. विद्यापीठात जवळपास नऊ वर्षांनी अधिकाऱ्यांच्या बदल्या झाल्या. काही अधिकारी एकाच ठिकाणी वर्षानुवर्षे काम करत होते. बदल्यांच्या आदेशाने त्यांच्या कामाचे ठिकाण बदलले.दरम्यान कामकाजावरुन काही विभागाकडून तक्रारी प्रशासनाकडे प्राप्त झाल्य होत्या. या साऱ्या पार्श्वभूमीवर या बदल्या करण्यात आल्या आहेत. कुलगुरू डॉ. राजनीश कामत यांनी पदभार स्वीकारल्यापासून प्रशासकीय पातळीवर कामकाजाच्या अनुषंगाने बदल करण्यात येत आहेत. कुलसचिव व्ही. एन शिंदे यांनी बदल्यांचे आदेश काढले आहेत. प्रशासकीय कारणास्तव या बदल्या होत असल्याचे म्हटले आहे. या बदल्यासाठी विद्यापीठातील काही संघटनांनी प्रशासनाकडे आग्रह धरला होता.

विद्यापीठातील आस्थापना विभागातील उपकुलसचिव डॉ. वैभव ढेरे आणि पीजीबीयूटीआरमधील डॉ. विलास सोयम यांची परीक्षा विभागात बदली झाली. तर परीक्षा विभागातील दीपक अडगळे यांची संलग्ना टी टू तर डॉ. निवास माने यांची संलग्नता टी वनमध्ये बदली करण्यात आली. महाविद्यालय व विद्यापीठ विकास मंडळातील संध्या अडसुळे यांची विशेष कक्ष व अभ्यास मंडळ येथे बदली झाली. विशेष कक्षातील उपकुलसचिव विभा अंत्रेडी यांची बदली पीजीबीयूटीआरमध्ये झाली. नॅक व आवक - जावकमधील डॉ. उत्तम सकट यांच्याकडे आस्थापनाचा तर संलग्नता टी वनमधील डॉ. गजानन पळसे यांची महाविद्यालय व विद्यापीठ विकास मंडळ येथे झाली. संलग्नता टी टूमधील डॉ. प्रमोद पांडव यांची बदली नॅक व आवक- जावक विभागात झाली.