महाराष्ट्र न्यूज वन प्रतिनिधी, कोल्हापूर :महाराष्ट्र राज्य जिल्हा परिषद सेवानिवृत्त कर्मचारी सेवा समितीतर्फे राजर्षी शाहू महाराज यांच्या जयंतीनिमित्त २६ जून २०२६ रोजी रक्तदान शिबिराचे आयोजन केले आहे. कोल्हापूर जिल्हा परिषद येथे रक्तदान शिबीर होणार आहे. यामध्ये रक्तदात्यांनी मोठया संख्येने सहभागी व्हावे. कर्मचारी, नागरिक व सामाजिक संघटनेच्या माध्यमातून २०० बॉटल रक्त संकलनाचे उद्दिष्ट आहे. छत्रपती प्रमिलाराजे रुग्णालयाच्या ब्लड बँकेत सध्या रक्ताचा तुटवडा आहे. यामुळे गरीब रुग्णांच्या उपचारात अडथळे येत आहेत. यामुळे  रक्तदान शिबिर भरविले आहे. खासदार शाहू महाराज यांच्या हस्ते शिबिराचे उद्घाटन होणार आहे. शिबिरात संकलित झालेल्या रक्ताच्या बाटल्या सीपीआर ब्लड बँकेकडे सुपूर्द करण्यात येणार आहेत अशी माहिती समितीच्या पदाधिकाऱ्यांनी दिली. यप्रसंगी राज्याध्यक्ष सुबराव पवार, राज्यकोषाध्यक्ष सुनील बी. जाधव, राज्य सरचिटणीस शहाजी एकसिंगे, आनंदराव जाधव, प्रा. बी. जी. मांगले, विश्वनाथ कांबळे, प्रकाश जाधव, जयसिंग पाटील, अरुण मांगलेकर, मुबारक शेख उपस्थित होते.