महाराष्ट्र न्यूज वन प्रतिनिधी, कोल्हापूर : बिझनेस नेटवर्क इंटरनॅशनल (बीएनआय), कोल्हापूर- सांगली-इचलरकरंजी शाखेतर्फे शनिवारी, २७ जून २०२६ रोजी राष्ट्रीय औद्योगिक मेळावा आयोजित केला आहे. उद्योग क्षेत्रामध्ये परस्पर सहकार्य वृद्धिगंत करणे, राष्ट्रीय स्तरावरील व्यावसायिक संबंध दृढ करण्याच्या उद्देशाने आयोजित हा मेळावा हॉटेल सयाजी येथे होणार आहे अशी माहिती शाखेचे कार्यकारी संचालक प्रीत सत्रा व भव्या सत्रा यांनी पत्रकार परिषदेत दिली. इंडस्ट्रीयल मिक्सर ३.० या उपक्रमातंर्गत विविध राज्यातील उद्योजक, कारखानदार, व्यावसायिक एकत्रित येत आहेत. सायंकाळी सहा वाजता ‘उद्योग संवाद’ परिसंवाद होणार आहे. यामध्ये चकोते ग्रुपचे अण्णासाहेब चकोते, चितळे ग्रुपचे मकरंद चितळे, मार्व्हलस ग्रुपचे संग्राम पाटीलहे सहभागी होणार आहेत.यानंतर उद्योगपती संजय घोडावत हे उद्योग –व्यवसाय संबंधी मार्गदर्शन करणार आहेत. पत्रकार परिषदेला पदमसिंह देवल, अमित मगदूम, आशिष चांदगुडे, नीरज शहा, प्रसाद धर्माधिकारी उपस्थित होते.