महाराष्ट्र न्यूज वन प्रतिनिधी कोल्हापूर: कोल्हापूर येथील धम्म भवन चॅरिटेबल ट्रस्टच्यावतीने अॅड प्रशांत चिटणीस यांना "नीतीप्रज्ञ न्यायरक्षक" पुरस्कार - 2022 प्रदान करण्यात आला‌. सन्मानचिन्ह, रोख पाच हजार रुपये व दहा हजार रुपयांची पुस्तके असे पुरस्काराचे स्वरूप आहे.  राजर्षी शाहू स्मारक भवन येथे बार कौन्सिल ऑफ महाराष्ट्र अँड गोव्याचे माजी चेअरमन ॲड. महादेवराव आडगुळे आणि लातूरचे ज्येष्ठ कायदेतज्ज्ञ ॲड. मंचकराव डोणे यांच्या हस्ते प्रदान करण्यात आला. पुरस्कार वितरण समारंभास बार कौन्सिल ऑफ महाराष्ट्र अँड गोव्याचे उपाध्यक्ष ॲड. विवेकानंद घाटगे, कोल्हापूर जिल्हा बार असोसिएशनचे अध्यक्ष ॲड. गिरीश खडके, निर्मिती विचारमंच, कोल्हापूरचे अध्यक्ष अनिल म्हमाने उपस्थित होते.

कोल्हापूर जिल्हा बार असोसिएशनचे माजी अध्यक्ष ॲड. प्रकाश मोरे हे कार्यक्रमाचे अध्यक्षस्थानी होते.मुख्य निमंत्रक व धम्म भवन चॅरिटेबल ट्रस्टच्या अध्यक्षा ॲड. करुणा विमल यांनी प्रास्ताविक केले. सनी गोंधळी यांनी सूत्रसंचालन केले. डॉ. दयानंद ठाणेकर, प्रा. डॉ. शोभा चाळके, अरहंत मिणचेकर, ॲड. अकबर मकानदार,ॲड. योगेश पाटील, ॲड. अतुल जाधव, ॲड. सचिन आवळे, ॲड. शैलजा चव्हाण, सुरेश केसरकर, नंदकुमार गोंधळी, सोमनाथ घोडेराव, प्रशांत आवळे, विठ्ठल शालबीद्रे  उपस्थित होते.