महाराष्ट्र न्यूज वन प्रतिनिधी कोल्हापूर  : सोन्याची बाजारपेठ असलेल्या कोल्हापुरातील गुजरी येथून २५ तोळे सोन्याचे दागिने घेऊन पळालेल्या बंगाली कारागिराला जुना राजवाडा पोलिसांनी अटक केली.

 गुजरीमध्ये सोन्याचे दागिने घडविणाऱ्या सुबोजित घोडई आणि प्रल्हाद क्षेत्रपाल यांनी अंदाजे १५ लाख २० हजार किंमतीचे २५ तोळं सोने

घेवून पलायन केलं होतं. या प्रकरणी जुना राजवाडा पोलिसा गुन्हा नोंद झाल्यानंतर पोलिसांनी पश्‍चिम बंगाल इथं जाऊन यातील सुबोजित घोडई याला अटक केली. त्याला आज रविवारी गुजरी परिसरातून फिरवण्यात आले.

तीन ते ३० जानेवारी दरम्यान कोल्हापुरातील कासार गल्ली इथल्या एमबी गोल्ड नावाच्या सराफी दुकानातून प्रल्हाद क्षेत्रपाल आणि सुबोजित घोडई यांनी कामासाठी नेहमीप्रमाणं २५ तोळं सोनं घेतलं होतं. त्याचे दागिने बनवून घेतो असं सांगून ते निघून गेले. मात्र दुसर्‍याच दिवशी या दोघांनी पश्‍चिम बंगालकडं पलायन केल्याची चर्चा सराफी बाजारात सुरू झाली. त्यामुळं हवालदिल झालेल्या एमबीए गोल्डच्या मालकांनी या कामगारांचे प्रमुख सुमित प्रामाणिक यांच्याशी संपर्क साधला. त्यांनी जुना राजवाडा पोलिसात तक्रार दिली. त्यानुसार प्रल्हाद क्षेत्रपाल आणि सुबोजित घोडई यांच्या विरोधात गुन्हा नोंद झालं. पोलिस निरीक्षक प्रितम पुजारी आणि कर्मचार्‍यांनी पश्‍चिम बंगाल इथं जाऊन यापैकी सुबोजित घोडई याला अटक केली. त्याला न्यायालयानं पाच मार्चपर्यंत पोलिस कोठडी सुनावलीय. त्याला आज जुना राजवाडा पोलिसांनी संशयिताला तपासासाठी गुजरी आणि परिसरातून फिरवण्यात आले