महाराष्ट्र न्यूज वन प्रतिनिधी, कोल्हापूर : चित्रतपस्वी आबालाल रेहमान यांच्या स्मृतिदिनानिमित्त रंगबहारच्यावतीने अभिवादन करण्यात आले.स्मृतिदिनानिमित्त कोल्हापुरातील कलाकारांनी आबालाल रेहमान यांचा आवडत्या रंकाळा परिसराची निसर्ग चित्र रेखाटली आणि अनोखी कलात्मक श्रद्धांजली वाहिली

चित्रकार, प्राचार्य मनोज दरेकर यांनी पद्माराजे उद्यानातील रेहमान पुतळ्यास पुष्पहार अर्पण केला. यावेळी धनंजय जाधव, प्राचार्य अजेय दळवी,विजय टिपुगडे, माजी प्राचार्य सुरेश पोतदार,राहुल रेपे,उत्तम साठे,सुधीर पेटकर,सुरेश मिरजकर, बबन माने, सर्वेश देवरुखकर,शैलेश राऊत, मनीपद्म हर्षवर्धन,मानसी पळशीकर यांच्यासह कला महाविद्यालयातील विद्यार्थी  उपस्थित होते.

राजर्षी शाहू महाराजांचे दरबारी चित्रकार आबालाल रेहमान यांचा हा पुतळा म्हणजे कलाकारांसाठी प्रेरणादायी आहे. देश विदेशात आबालाल रेहमान यांच्या कलाकृती गौरविल्या आहेत. कलाशाखेतील विद्यार्थ्यांनी आबालाल मास्तरांच्या कलाकृतींचा अभ्यास करावा ही काळाची गरज बनली आहे, अशा भावना मान्यवरांनी व्यक्त केल्या.