कोल्हापूर प्रतिनिधी : कोल्हापूर उत्तर विधानसभा पोटनिवडणुकीच्या निमित्ताने भारतीय जनता पक्षाने कोल्हापूरवासियासाठी वचननामा जाहीर केला. पाईपलाईन द्वारे घरोघरी गॅस पुरवठा, शहरवासीयांच्या करता इलेक्ट्रिक बसेस, तरुणाईतील टॅलेंटसाठी स्वतंत्रपणे यंग कम्युनिटी, शेतमालाला उठाव देण्यासाठी कार्गो हब यासारख्या यासारख्या नाविन्यपूर्ण नावीन्यपूर्ण संकल्पनांची घोषणा केली. भाजपाचे प्रदेशाध्यक्ष चंद्रकांत पाटील, माजी खासदार धनंजय महाडिक, महिला आघाडीच्या चित्रा वाघ, माजी मंत्री हर्षवर्धन पाटील, प्रवक्ते माधव भंडारी, केशव उपाध्ये, उमेदवार सत्यजित कदम, भाजपा जिल्हाध्यक्ष समरजितसिंह घाटगे महानगर जिल्हाध्यक्ष राहुल चिकोडे, जिल्हा परिषदेच्या माजी अध्यक्षा शोमिका महाडिक यांच्या उपस्थितीमध्ये वचननामा चे प्रकाशन झाले. कोल्हापूर उत्तरच्या निवडणुकीत भारतीय जनता पक्षाचे उमेदवार सत्यजित कदम यांना मतदारांचा मोठा प्रतिसाद मिळत आहे. महाविकास आघाडीच्या कारभाराला कंटाळलेल्या लोकांनी भाजपला निवडून देण्याचे मनापासून ठरविले आहे. यामुळे या निवडणुकीत सत्यजित कदम विजय होतील असा विश्वास चंद्रकांत पाटील यांनी व्यक्त केला. केंद्राच्या विविध योजना कोल्हापुरात आणून शहराचा विकास करू अशी ग्वाही पाटील यांनी दिली. विमानतळ विस्तारीकरण रेल्वेच्या सुविधा यासह अन्य आणि विकास कामासाठी पाठपुरावा करण्याकरता सत्यजित कदम यांच्यासाठी दिल्लीमध्ये स्वतंत्र पीए असेल. कोल्हापूर शहराच्या विकासाच्या दृष्टिकोनातून भारतीय जनता पक्ष नियोजनबद्धरीत्या कामकाज करेल. शहरातील पार्किंग व्यवस्था, वाहतूक व्यवस्था, सार्वजनिक वाहतूक व्यवस्था, यासाठी विविध योजना आखल्या जातील. जिल्ह्यातील शेती मालाला उठाव देण्यासाठी कार्गो हब ही संकल्पना राबविण्यात येणार आहे. कोल्हापूर विमानतळ विस्तारीकरण, नाईट वेंडिंग सुविधा यासाठी केंद्रीय मंत्री ज्योतिरादित्य शिंदे यांच्याबरोबर थेट संपर्क ठेवला जाईल. केंद्रीय मंत्री ज्योतिरादित्य शिंदे हे येत्या काही दिवसात कोल्हापूर दौऱ्यावर येणार आहेत. या दौऱ्यात कोल्हापूर विमानतळ संबंधी रखडलेल्या प्रश्‍नांना चालना मिळेल. सरकारच्या माध्यमातून कोल्हापूर शहराचा कायापालट करण्याचा मानस आहे. केंद्राच्या विविध योजना आणि त्याला लोकसहभागाची जोड याद्वारे शहर सुंदर करु. सत्तेच्या पलीकडे जाऊन शहर विकासासाठी शहर सौंदयीऺकरण्यासाठी वेगवेगळ्या संकल्पना राबवू. ब