महाराष्ट्र न्यूज वन प्रतिनिधी, कोल्हापूर :कोल्हापूर भूषण दिग्दर्शक यशवंत भालकर यांच्या ७ व्या स्मृतीदिनानिमित्त यसबा करंडक आंतरशालेय कला महोत्सव उत्साहात झाला. शिवाजी विद्यापीठ विद्यार्थी विकास विभाग व चित्रपट दिग्दर्शक यशवंत भालकर फौंडेशन यांचा संयुक्त विद्यमाने आयोजित या कलामहोत्सवात सोळा शाळेतील ३४० विद्यार्थी कलाकार सहभागी होते. निबंध, मातीकाम, चित्रकला, रांगोळी, एकपात्री, समूहगीत, समूहनृत्य कलाप्रकाराचा समावेश होता. दरम्यान यसबा करंडकाचा मानकरी वसंतराव चौगुले इंग्लिश मिडियम स्कूल ठरला. विमला गोयंका इंग्लिश स्कूल यांना उपविजेतेपद मिळाले.  राजमाता जिजाऊ सभागृह, शिवाजी विद्यापीठ येथे हा यसबा करंडक पार पडला.

उद्योजक संग्राम पाटील, जयकुमार परिख, अधिष्ठाता आर.बी. गुरव, प्रा.कपिल राजहंस, हेमांग सोमानी यांच्या प्रमुख उपस्थितीमध्ये कला महोत्सवाचे उद्घाटन झाले. विद्यार्थी विकास विभागाचे प्र.संचालक  टी. एम.चौगुले हे कला महोत्सव  अध्यक्षस्थानी होते. चित्रकला, मातीकाम, रांगोळी, निबंध, एकपात्री, समूहनृत्य, समूहगायन कलाप्रकार सादर करत मुलांनी टाळया वसूल केल्या. दुपारच्या सत्रात यसबा बाल मित्र पुरस्कार वितरण सोहळा पार पडला. शिवाजी  विद्यापीठाचे  कुलसचिव व्हि.एन.शिंदे सर यांच्या हस्ते प्रा.प्रज्ञा गिरी आणि श्री.आशिष घेवडे यांना हा पुरस्कार प्रदान करण्यात आला. लहान मुलांसाठी विद्यापीठच्या प्रांगणात कला महोत्सव होणं हे सांस्कृतिक चळवळीचं बीज रोवणं आणि भविष्यातील कलावटवृक्ष उभा राहणं असे मनोगत कुलसचिव शिंदे यांनी मांडले. परीक्षक म्हणून रेश्मा चिले,अंजली पाटील, नंदू जुवेकर, संजय तोडकर , डॉ. किशु पॉल, कार्तिक पॉल, सुचित्रा मर्ढेकर, राजेंद्र मिस्त्री, बबन माने,सुधीर जोशी, सत्यजित निगवेकर यांनी पाहिले. यावेळी फौंडेशनचे अध्यक्ष संदिप भालकर, उपाध्यक्ष सपना जाधव, समन्वयक  शिवम गेजगे,आकाश लिगाडे,रमा कुलकर्णी, सुधीर डेंगरे, प्रविण काटकर,सपना चव्हाण मैथिली सरनाईक उपस्थित होते.