महाराष्ट्र न्यूज वन प्रतिनिधी : करवीर तालुक्यातील उजळाईवाडी येथील पुष्पनिल अपार्टमेंटमध्ये ग्रामपंचायतीने सोळा अनधिकृत नळ कनेक्शन दिला आहे. या कनेक्शनसाठी कोणत्याही स्वरुपात अनामत रक्कम, पाणी बिल, पावती किंवा नमुना आठवर नोंद नाही यामुळे ग्रामपंचायतीचा लाखो रुपयांचा महसूल बुडाला आहे. असा आरोप सामाजिक कार्यकर्ते राजू माने यांनी केला. त्यांच्यासह नागरिकांनी, ग्रामविकास अधिकारी महेश खाडे यांना निवेदन देत दहा दिवसात कार्यवाही न झाल्यास आंदोलन केले जाईल. तसेच पंचायत समिती व जिल्हा परिषदेतील वरिष्ठ अधिकाऱ्यांकडे तक्रार करू असा इशारा दिला. चार मजली इमारतींमध्ये सोळा फ्लॅट आहेत. मात्र अनधिकृत नळ कनेक्शन जोडले आहेत. नळ कनेक्शनचे सोळा पाइप झाडीत लपवले असल्याचे त्यांनी निदर्शनास आणले. सामाजिक कार्यकर्ते माने, चंद्रकांत पंडित, पोपट नाईक, सतीश मांगले, स्मित पाटील, तानाजी चव्हाण, दिनकर जाधव, रुपेश घडशी, गजानन सपकाळ, अशोक लांडगे, सूरज पंतोजी, विनायक बागणे, प्रदीप दुगाणी यांच्या सह्यानिशी निवेदन दिले आहे.