महाराष्ट्र न्यूज वन प्रतिनिधी : नरेंद्र मोदी विचार मंचच्या पश्चिम महाराष्ट्र प्रदेशाध्यक्षपदी पूनम तोडकर यांची निवड करण्यात आली आहे. या माध्यमातून पश्चिम महाराष्ट्रात संघटना अधिक मजबूत करण्यासोबतच महिला युवकांनी सर्वसामान्य नागरिकांच्या प्रश्नांना प्राधान्य देऊन काम करणार असल्याचा निर्धार तोडकर यांनी व्यक्त केला. तोडकर या गेली अनेक  वर्षे सामाजिक कार्यात सक्रिय आहेत. महिला बचत गट सक्षमीकरण, सरकारी योजनांचा लाभ सर्वसामान्य लोकांपर्यंत पोहोचवणे यासाठी त्या काम करत आहेत. केंद्र व राज्य सरकारच्या विविध लोककलंकारी योजनांची माहिती तळागाळातील नागरिकांपर्यंत पोहोचवून पात्र लाभार्थ्यांना त्याचा लाभ मिळवून देण्यासाठी आपण विशेष मार्गदर्शन सत्र आयोजित करणार आहोत असे त्यांनी सांगितले याशिवाय रक्तदान शिबिरे आरोग्य तपासणी शिबिरे शैक्षणिक उपक्रम महिला व युवकासाठी मार्गदर्शन कार्यक्रम आयोजित केले जातील असेही त्या म्हणाल्या जनतेशी थेट संवाद साधून त्यांच्या अडचणी सोडवणुकीला  प्राधान्यक्रम राहील असे त्या म्हणाल्या. पदभार स्वीकारल्यानंतर प्रथमच त्या पत्रकारांशी बोलत होते. याप्रसंगी शुभांगी गुरव उपस्थित होत्या.