महाराष्ट्र न्यूज वन प्रतिनिधी, कोल्हापूर :  ‘कोल्हापुरातील थोरला दवाखाना म्हणजेच छत्रपती प्रमिलाराजे सर्वोपचार रुग्णालय. सीपीआर ही गोरगरिबांची आरोग्यदायिनी आहे तर संगीतसूर्य केशवराव भोसले नाट्यगृह ही कोल्हापूर शहराची अस्मिता आहे. रविवारी ९ ऑगस्ट रोजी संगीतसूर्य केशवराव भोसले यांची जयंती येत आहे. त्याच दिवशी या नूतनिकृत केलेल्या दिमाखदार वास्तूचे मुख्यमंत्र्यांच्या हस्ते लोकार्पण होत आहे. हा मोठा सुवर्णयोगच आहे. अवघ्या दोन वर्षाच्या आतच ही वास्तु पूर्ण झाली. या कामांमध्ये हातभार लावू शकलो याचे मला फार मोठे समाधान आहे आणि ते मी माझे भाग्य समजतो.’ असे मत वैद्यकीय शिक्षणमंत्री हसन मुश्रीफ यांनी व्यक्त केले.