महाराष्ट्र न्यूज वन प्रतिनिधी, कोल्हापूर : पालकमंत्री प्रकाश आबिटकर यांच्या संकल्पनेतील "माझा एक दिवस… माझ्या बळीराजासाठी" या उपक्रमांतर्गत जिल्हा परिषदेचे उपाध्यक्ष तानाजी पाटील यांनी पेरणोली येंथे शेतकऱ्यांना मार्गदर्शन केले. आजरा घनसाळ उत्पादक शेतकरी  मारुती परीट या शेतकऱ्याच्या शेतात पॉवर टिलर स्वतः चालवून चिखलणी केली. यानंतर चिखलात उतरुन त्यांनी भात रोप लावणंही केली. रोप लावणीनंतर शेतकऱ्यांसोबत बांधावर बसून झुणका भाकरीचा आस्वादही घेतला. सरपंच वनश्री    देसाई, उपसरपंच संकेत सावंत यांच्या हस्ते श्री. पाटील यांचा सत्कार व स्वागत करण्यात आले. 
       यावेळी जिल्हा परिषद सेस फंडातून शेतकऱ्यांना ताग व भाजीपाला बियाणे ही वाटप करण्यात आले. यावेळी बोलताना त्यांनी जिल्हा परिषद सदैव शेतकऱ्यांच्या सोबत असुन शेतकऱ्यांना सर्वोतोपरी मदत करणार असल्याचे सांगितले. तसेच आजरा घनसाळची शुद्ध बियाणे निर्मिती, उत्पादन वाढ व मार्केटिंग साठी सदैव प्रयत्नशील राहणार असल्याचे सांगितले.  त्यांनी गावामध्ये वृक्षारोपण केले तसेच पशुवैद्यकीय दवाखाना, प्राथमिक शाळा,सेवा संस्था, दुध संस्थांना भेटी दिल्या.  यावेळी बांबू लागवडीची माहिती पाटलोबा पाटील यांनी दिली.
 यावेळी ग्रामपंचायत सदस्य राजेंद्र सावंत, तानाजी देसाई, काका देसाई, अमृत देसाई, सुरेश कालेकर, सर्जेराव देसाई, अमर पवार, रवींद्र देसाई, शिवाजी देसाई, संदीप नवलकर , नामदेव मोहिते, धीरज सावंत, दत्तात्रय पाटील, जी.एम.पाटील, जिल्हा अधीक्षक कृषी अधिकारी श्री जालिंदर पांगिरे, कृषि विकास अधिकारी राजेंद्र माने, गट विकास अधिकारी सुभाष सावंत सहायक, गटविकास अधिकारी सुरेश पुजारी, कृषि अधिकारी दिनेश शेटे, तालुका कृषी अधिकारी भुषण पाटील,  विस्तार अधिकारी पृथ्वीराज  चव्हाण, ग्रामपंचायत अधिकारी अमिषा देवर्डेकर, सहाय्यक कृषि अधिकारी मनिषा पाटील उपस्थित होते.