पुरोगामी शिक्षक -समविचारी संघटनेतर्फे सोमवारी धरणे आंदोलन
schedule24 Jun 26 person by visibility 6 categoryशैक्षणिक
महाराष्ट्र न्यूज वन प्रतिनिधी, कोल्हापूर : महाराष्ट्र राज्य पुरोगामी प्राथमिक शिक्षक संघटना व समविचारी संघटनेतर्फे सोमवारी, २९ जून २०२६ रोजी जिल्हाधिकारी कार्यालयासमोर धरणे आंदोलन करण्यात येणार आहे. सरकारच्या चुकीच्या शैक्षणिक धोरणाला विरोध करण्यासाठी आयोजित या आंदोलनात शिक्षकांनी मोठया संख्येने सहभागी व्हावे असे आवाहन केले आहे. सेवाज्येष्ठता डावलून कनिष्ठ शिक्षकांना पदोन्नती, २०१३ पूर्वी नियुक्त झालेल्या सर्व शिक्षकांसाठी टीइटी / सीटीईटी उत्तीर्णसाठी चाळीस टक्के गुणांची अट करावी. अथवा तामिळनाडू, तेलंगणा, पंजाब या राज्याच्या धर्तीवर इयत्ता पहिली ते आठवीच्या अभ्यासक्रमावर आधारित २०१३ पूर्वीच्या शिक्षकांची स्वतंत्र टीईटी परीक्षा घेण्यात यावी या मागण्यासाठी आंदोलन पुकारले आहे. दुपारी २.३० वाजता आंदोलन होणार असल्याचे संघटनेने म्हटले आहे.
