महाराष्ट्र न्यूज वन प्रतिनिधी, कोल्हापूर : शिवशाहीर रंगराव पाटील यांच्या दमदार आवाजातील पोवाडे, मर्दानी खेळाची थरारक प्रात्यक्षिके व वाड्या-वस्त्यांवरील विद्यार्थ्यांना शैक्षणिक साहित्याचे वाटप, अशा वातावरणात सह्याद्री प्रतिष्ठानतर्फे काढण्यात आलेली पन्हाळा ते पावन परिसर पदभ्रमंती मोहीम यशस्वीरित्या पूर्ण झाली. मोहिमेत सुमारे ४१० मोहिमवीरांनी सहभाग घेतला. प्रतिष्ठानचे चिफ पेट्रन संभाजीराजे छत्रपती व संयोगिताराजे छत्रपती यांच्या मार्गदर्शनाखाली मोहीम झाली.