महाराष्ट्र न्यूज वन प्रतिनिधी, कोल्हापूर : 

करवीर तालुक्यातील दोनवडे गावात आर्थिक वादातून हॉटेल मालकाचा बंदुकीतून गोळी झाडून खून झाला. हॉटेल मालक चंद्रकांत आबाजी पाटील (वय ५५ रा. दोनवडे ,ता. करवीर) हे जागीच ठार झाले त्यांचा मुलगा रितेश पाटील हा जखमी झाला. संशयित दत्तात्रय कृष्ण पाटील (वय ४०) आणि सचिन गजानन जाधव ( ३८ दोघे रा.खुपिरे, या.करवीर) पोलीस ठाण्यात हजर झाले आहेत.

पोलिसांनी या गुन्ह्याची माहिती दिली, चंद्रकांत पाटील यांचे दोनोडे फाटा येथे गोल्डन हॉटेल बार व लॉजिंग आहे गेल्या दोन वर्षापासून हॉटेल व्यवसाय बंद आहे फक्त लॉजिंग सुरू आहे. चंद्रकांत पाटील यांनी दोन वर्षांपूर्वी दत्तात्रय पाटील व सचिन जाधव यांच्याकडे काही रक्कम शेअर मार्केटमध्ये गुंतवणूक करण्यास दिली होती. यामध्ये दोघांना नुकसान झाले होते. तेव्हापासून चंद्रकांत पाटील व दत्तात्रय पाटील यांच्या वाद होता.

शनिवारी सकाळी चंद्रकांत पाटील यांचचा मुलगा रितेश हॉटेलमध्ये आला होता. लॉजिंग सुरू असल्याने तो दिवसभर हॉटेलमध्ये थांबून होता .रात्री साडेनऊच्या सुमारास चंद्रकांत पाटील दुचाकीवरून हॉटेलमध्ये आहे. काही वेळातच संशयित दत्तात्रय पाटील व सचिन जाधव हे दुचाकीवरून हॉटेलमध्ये आले. यावेळी चंद्रकांत पाटील व दत्तात्रय पाटील यांच्या वाद सुरू झाला. दत्तात्रय आणि सचिन दोघेही चंद्रकांत पाटील यांच्या अंगावर धावून गेले. यावेळी वडिलांना सोडवण्यासाठी रितेश मध्ये आला. अचानक दत्तात्रय पाटील ने स्वतः जवळील गावठी कट्टा काढून चंद्रकांत पाटील यांच्यावर रोखून धरत थेट गोळी झाडली. ही गोळी चंद्रकांत पाटील यांच्या छातीला लागली हे जागेवर कोसळले .मोठा रक्तस्त्राव झाला. या घटनेनंतर सचिन जाधव आणि दत्तात्रय पाटील यांनी मोटरसायकल वरून पळ काढला. रितेशने झालेल्या घटनेची माहिती नातेवाईकांना दिली. नातेवाईकांनी चंद्रकांत पाटील यांना रुग्णवाहिकेतून सीपीआर हॉस्पिटलमध्ये दाखल केले तर उपचारापूर्वीच त्यांचा मृत्यू झाल्याचे डॉक्टरांनी सांगितले. दरम्यान चंद्रकांत पाटील यांच्या नातेवाईकांनी रुग्णालयात गर्दी केली होती. घटनास्थळी अप्पर पोलीस उपाधीक्षक निवेश खाटमोडे पोलीस उपाधीक्षक संकेत गोसावी स्थानिक गुन्हे अन्वेषण विभागाचे पोलीस निरीक्षक रवींद्र कळमकर यांनी भेट दिली. घटनास्थळी पोलिसांनी पुंगळी जप्त केली.