महाराष्ट्र न्यूज वन प्रतिनिधी, कोल्हापूर -: गणेशोत्सव हा उत्साहाचा, आनंदाचा, मांगल्याचा उत्सव. गणरायाच्या प्रतिष्ठापनेसाठी घरोघरी आकर्षक देखावा, आरास केली जाते. वेगवेगळया संकल्पनेवर आधारित देखावा तयार करताना गणेशभक्त कसलीही कसर सोडत नाहीत. गणेशभक्तांच्या या कलाकौशल्याचे कौतुक करण्यासाठी महाधुरळा यूट्यूब चॅनेलतर्फे ‘घरगुती गणेशोत्सव देखावा’स्पर्धा आयोजित केली आहे. या स्पर्धेतील विजेत्यांना बक्षीस देऊन गौरव करण्यात येणार आहे. या स्पर्धेत सहभाग नोंदविण्यासाठी, ‘घरात केलेल्या देखाव्याचा तीस सेकंदापर्यंतचा व्हिडिओ अथवा फोटो पाठवावा. सोबत गणेशभक्तांनी, आपले नाव, पत्ता आणि मोबाइल नंबर पाठवावा. व्हिडीओ पाठविण्याचा कालावधी १४ ते २० सप्टेंबर २०२६ असा आहे. घरगुती गणेशोत्सव देखावा स्पर्धा अंतर्गतचे व्हिडिओ विजय टिपुगडे ९५४५५००८५१  व प्रवीण वाघमारे ९७६७७७४७४६ यांच्या मोबाइल नंबरवर पाठवावेत. असे आवाहन महाधुरळा यूट्यूब चॅनेलचे संपादक गुरुबाळ माळी यांनी केले आहे. या स्पर्धेसाठी प्रयोदी सोशल अँड कल्चरल फाऊंडेशन, स्वराज्य महिला मंच व दळवीज आर्ट इन्स्टिट्यूट कला महाविद्यालय यांचे सहकार्य लाभले आहे.