महाराष्ट्र न्यूज वन प्रतिनिधी : अभियांत्रिकी व शिक्षण क्षेत्रातील प्रदीर्घ आणि उल्लेखनीय योगदानाबद्दल श्री वारणा विभाग शिक्षण मंडळाचे मुख्य कार्यकारी अधिकारी डॉ. विलास व्ही. कारजिन्नी यांची ज्येष्ठ अभियंता ( ‘सीनियर इंजिनिअर’) या सन्मानासाठी निवड करण्यात आली आहे. द इन्स्टिट्यूशन ऑफ इंजिनिअर्स (इंडिया), कोल्हापूर लोकल सेंटर यांच्या वतीने सिव्हिल इंजिनिअरिंग विभागातून हा सन्मान देण्यात आला.५९ व्या इंजिनिअर्स डेनिमित्त १५ सप्टेंबर २०२६ रोजी कोल्हापूर येथे हा सन्मान प्रदान करण्यात आला. अभियांत्रिकी क्षेत्रातील त्यांच्या दीर्घ अनुभवाची आणि योगदानाची दखल घेत हा गौरव करण्यात आला आहे.या गौरवाबद्दल वारणा विविध उद्योग व शिक्षण समूहाचे अध्यक्ष डॉ. विनय कोरे, वारणा विद्यापीठाचे कुलाधिकारी, एन. एच. पाटील, कुलगुरू डॉ. डी. टी. शिर्के, प्राचार्य डॉ. के. ए. पाटील आणि अधिष्ठाता डॉ. एस. एम. पिसे यांनी डॉ. कारजिन्नी यांचे अभिनंदन केले.