महाराष्ट्र न्यूज वन प्रतिनिधी कोल्हापूर : आगामी लोकसभा निवडणुकीच्या अनुषंगाने काँग्रेस पक्षाने महाराष्ट्रातील सात उमेदवारांची नावे जाहीर केली आहेत. यामध्ये कोल्हापूर लोकसभा मतदारसंघातून श्रीमंत छत्रपती शाहू महाराज, तर सोलापूर येथून आमदार प्रणिती शिंदे यांचा समावेश आहे. अमरावतीमधून बळवंत वानखडे यांना उमेदवारी दिली आहे. लातूर मधून शिवाजीराव काळगे यांना काँग्रेसचे उमेदवारी जाहीर झाली. पुण्यामध्ये आमदार रवींद्र धंगेकरांना काँग्रेसने उमेदवारी दिली आहे. नंदुरबार मधून गोवाल पाडवी, नांदेड मधून वसंतराव चव्हाण यांना उमेदवारी जाहीर झाले आहे. कोल्हापुरातून शाहू महाराजांची उमेदवारी जाहीर होताच शहरात ठीक ठिकाणी फटाक्यांची आतिषबाजी करून स्वागत करण्यात आले