आमदार प्रकाश आवाडे निवडणूक लढवणार, हातकणंगलेत अपक्ष उमेदवारी
schedule12 Apr 24 person by visibility 922 categoryआरोग्य
महाराष्ट्र न्यूज वन प्रतिनिधी कोल्हापूर :
हातकणंगले लोकसभेसाठी इचलकरंजीचे आमदार आवाडे यांनी स्वतःच्या ताराराणी पक्षाकडून निवडणूक लढवणार असल्याची घोषणा केली. आमदार आवाडे यांनी शुक्रवारी पत्रकार परिषदेत निवडणूक लढवण्याचे जाहीर केले. आमदार आवाडे यांच्या उमेदवारीमुळे महायुतीची कोंडी झाली आहे. हातकणंगले लोकसभा मतदारसंघाचा पंचरंगी लढतीचे चिन्ह आहेत. आवाडे हे गेली पाच वर्षे भाजपचे सहयोगी सदस्य म्हणून सक्रिय होते.
आवाडे यांच्या भूमिकेमुळे हातकणंगले लोकसभा मतदारसंघात रंगत वाढली आहे. जैन समाजाचे तीन उमेदवार झाले. महायुतीकडून विद्यमान खासदार धैर्यशील माने, महाविकास आघाडीकडून माजी आमदार सत्यजित पाटील सरूडकर, स्वाभिमानी शेतकरी संघटनाकडून माजी खासदार राजू शेट्टी तर वंचित बहुजन आघाडीकडून जिल्हा परिषदेचे माजी अध्यक्ष डी सी पाटील उमेदवार आहेत.
इचलकरंजीचे आमदार प्रकाश आवाडे यांनी विद्यमान खासदार धैर्यशील माने यांच्या उमेदवारीला आक्षेप घेतले होते. लोकसभा निवडणुकीसाठी प्रकाश आवाडे व त्यांचे चिरंजीव राहुल आवाडे या दोघांच्याही नावाची चर्चा होती. मात्र महायुतीने विद्यमान खासदार माने यांना उमेदवारी जाहीर केली. त्यामुळे आवाडे हे नाराज होते.
उमेदवारी घोषित करण्यापूर्वी आवाडे यांनी अपक्ष आमदार राजेंद्र पाटील यड्रावकर आणि जनसुराज्य शक पक्षाचे नेतेविन य कोरे यांची भेट घेऊन बंद खोलीत चर्चा केली असल्याचे वृत्त आहे.
