महाराष्ट्र न्यूज वन प्रतिनिधी : जिल्हा परिषद कोल्हापूर येथील स्व. वसंतराव नाईक समिती सभागृहात महिला व बाल कल्याण समितीची सभा सभापती मा. सौ. विद्या विलास पाटील यांच्या अध्यक्षतेखाली पार पडली. या बैठकीत जिल्ह्यातील कुपोषण निर्मूलनासाठी एक महत्त्वपूर्ण व अभिनव उपक्रम हाती घेण्यात आला असून, सर्व जिल्हा परिषद सदस्य आपापल्या मतदारसंघातील कुपोषित बालकांना दत्तक घेऊन त्यांना कुपोषणमुक्त करण्यासाठी प्रयत्न करणार आहेत.

सभेच्या सुरुवातीला शासन निर्णय दि. २७/०८/२०२६ नुसार 'पुण्यश्लोक अहिल्यादेवी होळकर विभागीय पुरस्कार' पात्र ठरलेल्या 'स्वयंप्रेरिका ग्रामीण महिला संस्था' (पोर्ले तर्फे बोरगाव) आणि 'भगवानबाबा शिक्षण प्रसारक संस्था' (इचलकरंजी) या संस्थांचे मनःपूर्वक अभिनंदन करण्यात आले.

सभापती सौ. विद्या पाटील यांनी अंगणवाड्यांच्या सद्यस्थितीचा सविस्तर आढावा घेतला. ज्या अंगणवाड्यांमध्ये सोलर पॅनेल नादुरुस्त आहेत, तेथे ग्रामपंचायतींच्या माध्यमातून तात्काळ वीज जोडणी (लाइट कनेक्शन) करण्याचे निर्देश त्यांनी दिले. तसेच, बालकांच्या आरोग्याच्या अचूक नोंदीसाठी नादुरुस्त वजनकाटे बदलून नवीन काटे देणे आणि बंद असलेले डिजिटल लर्निंग टीव्ही बदलून नवीन टीव्ही उपलब्ध करून दयावेत. यासोबतच, करवीर पंचायत समिती येथे महिलांसाठी नवीन समुपदेशन केंद्र सुरू करण्यासाठी राज्य महिला आयोगाकडे शिफारस करण्याचा निर्णय घेण्यात आला.

बैठकीदरम्यान सदस्या श्रीमती वर्षाराणी पाटील यांनी उपस्थितांना 'नशामुक्तीची शपथ' दिली. सभेचे आभार सदस्या श्रीमती सोनाली पाटील यांनी मानले.

या बैठकीस समिती सदस्या वर्षाराणी पाटील, शैलजा पाटील, रोहिणी आबिटकर, संयोगिता मोरे, सोनाली पाटील, विनिता भोगम, गडहिंग्लज पंचायत समिती सभापती प्रतिभा चव्हाण, तसेच जिल्हा कार्यक्रम अधिकारी नितीन मस्के, कक्ष अधिकारी संजय जाधव, अधीक्षक नारायण चांदेकर, विस्तार अधिकारी प्रशांत पाटील, सौरभ कांबळे  उपस्थित होते.

महाराष्ट्र न्यूज 1 प्रतिनिधी, कोल्हापूर : महावीर एज्युकेशन सोसायटी संचलित महावीर इंग्लिश स्कूलचा दहावीचा निकाल १०० टक्के लागला आहे. गेली सोळा वर्षे या स्कूलचा निकाल १०० टक्के लागत आहे. यशाची ही परंपरा यंदाही कायम राहिली. महावीर इंग्लिश स्कूलच्य श्रृती शेळके, रुचिता पोतदार,किमया गुर्जर, आदिती कुंभार, ओजस होनाळे, श्रृती देवाडकर आदी विद्यार्थ्यांनी परीक्षेत घवघवीत यश मिळवले. संस्थेचे अध्यक्ष ललित गांधी, मानद सचिव महेश सामंत, प्रिन्सिपल धनश्री व्हनागडे, दीपा म्हाळुंगेकर,विद्या सरमळकर, मेहजबीन बागवान,पल्लवी पाटील व अन्य शिक्षकांचे मार्गदर्शन लाभले.

………………………