महाराष्ट्र न्यूज वन प्रतिनिधी, कोल्हापूर : शाहू मिल चौकात शनिवारी, (सहा फेब्रुवारी २०२६) दुपारी भरधाव कारने चार ते पाच दुचाकींना जोरदार धडक दिल्याने भीषण अपघात झाला. या अपघातात जखमी नागरिकांना तातडीने सीपीआर रुग्णालयात दाखल करण्यात आले.  या दुर्घटनेत भाग्यश्री लक्ष्मण गवळी तसेच कोल्हापूर महानगरपालिकेच्या आरोग्य विभागाचे माजी कर्मचारी दिपक महादेव वंशे यांचा मृत्यू झाला आहे. अपघातात जखमी झालेल्या अन्य तिघांवर सध्या खाजगी रुग्णालयात उपचार सुरू असून आहेत. अपघाताची माहिती मिळताच महापौर रूपाराणी निकम यांनी  तातडीने सीपीआर रुग्णालयाला भेट दिली. यावेळी त्यांनी मृत झालेल्या महापालिकेच्या कर्मचाऱ्यांच्या कुटुंबीयांची भेट घेऊन त्यांचे सांत्वन केले तसेच जखमींवर खाजगी हॉस्पिटलमध्ये योग्य उपचार करण्याच्या सूचना दिल्या. यावेळी नगरसेवक विनायक फाळके, अमर साठे, माजी नगरसेवक प्रदीप उलपे, महेश वासुदेव आदी उपस्थित होते.