महाराष्ट्र न्यूज वन प्रतिनिधी, कोल्हापूर : लाडकी बहिण योजनेवरुन महिलांना धमकाविण्याचा प्रकार भारतीय जनता पक्षाचे खासदार धनंजय महाडिक यांनी केला आहे. त्यांच्याव पोलिस व निवडणूक आयोगाने त्वरित कारवाई करावी अशी मागणी काँग्रेसच्या महिला आघाडीच्या राष्ट्रीय अध्यक्षा अलका लांबा यांनी केले आहे. याबाबतचे निवेदन जुना राजवाडा पोलिस स्टेशनला दिले. फुलेवाडी येथील प्रचार सभेत बोलताना खासदार महाडिक यांनी महिलांना दमदाटीची भाषा केली आहे. लाडकी बहिण योजनेचे लाभ घेणाऱ्या महिला काँग्रेसच्या प्रचार सभेत दिसल्या की त्यांचे फोटो काढा, त्यांची व्यवस्था केली जाईल असे विधान केले होते.हा महिलांना धमकाविण्याचा प्रकार आहे असे निवेदनात म्हटले आहे. शिष्टमंडळात काँग्रेसच्या निरीक्षक आरती सिंग, सरला पाटील, चंदा बेलेकर, विनायक घोरपडे, ऋषीकेश पाटील आदी उपस्थित होते.