महाराष्ट्र न्यूज वन प्रतिनिधी, कोल्हापूर : श्री स्वामी विवेकानंद शिक्षण संस्थेच्या डॉ. बापूजी साळुंखे इन्स्टिट्यूट ऑफ इंजिनिअरिंग अँड टेक्नॉलॉजीमध्ये  वाचन संकल्प महाराष्ट्राचा ' उपक्रमाचे आयोजन केले होते. या उपक्रमांतर्गत सामूहिक वाचन, पुस्तक परीक्षण स्पर्धा, कथन स्पर्धा झाल्या. या स्पर्धेतील यशस्वी विद्यार्थ्यांना श्री स्वामी विवेकानंद शिक्षण संस्थेच्या व्यावसायिक शिक्षण समूहाचे संचालक प्राचार्य विरेन भिर्डी, इन्स्टिट्यूटचे प्राचार्य डॉ. सुहास सपाटे यांच्या हस्ते बक्षिसे आणि प्रमाणपत्रे प्रदान करण्यात आली. 

 या उपक्रमांतर्गत वाचनाची आवड आणि वाचनाचे समग्र लाभ याविषयी  विद्यार्थ्यांमध्ये समज विकसित होण्यासाठी 'वाचन कौशल्य कार्यशाळा ' घेण्यात आली.  नाटककार डॉ.  हिमांशू भूषण स्मार्त यांनी ' लेखक विद्यार्थी वाचन संवाद'  उपक्रमांतर्गत विद्यार्थ्यांना, लेखकाच्या जडणघडणीची प्रक्रिया विस्तृतपणे समजावून दिली. ' ज्ञानशिदोरी ' या विषेश उपक्रमात ' ग्रंथदान ' मोहीम राबवण्यात आली.  शिक्षक आणि विद्यार्थी यांच्या सहभागातून ग्रंथालयाची स्वच्छता करण्यात आली. या विविध उपक्रमांमुळे लाभ झाल्याची भावना शिक्षक ,विद्यार्थी, शिक्षकेतर कर्मचारी यांनी व्यक्त केली. 

या उपक्रमासाठी श्री स्वामी विवेकानंद शिक्षण संस्थेचे कार्याध्यक्ष प्राचार्य अभयकुमार साळुंखे, संस्थेच्या सचिवा प्रा. शुभांगी गावडे, मुख्य कार्यकारी अधिकारी कौस्तुभ गावडे यांचे मार्गदर्शन लाभले. समन्वयक प्रा. सुदर्शन महाडिक, प्रा. अशोक कोळेकर , ग्रंथपाल महेश देसाई यांनी परिश्रम घेतले.