महाराष्ट्र न्यूज वन प्रतिनिधी, कोल्हापूर : ‘भारतीय जनता पार्टी संघटनात्मक काम करणारी पार्टी आहे. लोकसभेमध्ये दोन सदस्य ते  आज देशातील एक नंबरचा पक्ष त्याचबरोबर जगभरातील सर्वात मोठा सदस्य असणारा पक्ष अशी वाटचाल करणाऱ्या भाजपाचे स्वप्न अटलजींनी पाहिले होते ते आज त्यांच्या जयंती दिनी पूर्ण होत आहे या गोष्टीचा अभिमान आहे.’असे मत आमदार सुधीर गाडगीळ यांनी व्यक्त केले.

भारतीय जनता पार्टी जिल्हा कार्यालयात कोल्हापूर महानगरतर्फे भाजपा सदस्यता नोंदणी अभियान कार्यशाळा झाली. या अभियानासाठी प्रभारी म्हणून आमदार गाडगीळ यांनी उपस्थितांना मार्गदर्शन केले.माजी पंतप्रधान भारतरत्न अटलबिहारी वाजपेयी यांच्या शंभराव्या जयंतीनिमित्त अटलजींच्या प्रतिमेस मान्यवरांच्या हस्ते पुष्पहार अर्पण करण्यात आले. याप्रसंगी आमदार गाडगीळ व आमदार अमल महाडिक यांचा सत्कार जिल्हाध्यक्ष विजय जाधव यांच्या हस्ते करण्यात आला.

खासदार धनंजय महाडिक यांनी लोकसभा अधिवेशनातील विषयांवर चर्चा करत सध्या देशभरात डॉ. बाबासाहेब आंबेडकर यांच्याबद्दल काँग्रेस राजकारण करत आहे. काँग्रेस करत असलेला अपप्रचार भाजपा पदाधिकारी कार्यकर्त्यांनी हाणून पाडला पाहिजे असे सांगितले.  जिल्हाध्यक्ष विजय जाधव यांनी भाजपा सदस्य नोंदणीसाठी आपण सर्वांनी ८८००००२०२४ या क्रमांकावर कॉल करून जास्तीत जास्त सदस्यता नोंदणी करावी तसेच हे अभियान शहराच्या सात मंडलामध्ये मोठ्या प्रमाणावर राबवण्याचे आवाहन कार्यकर्त्याना केले.प्रदेश कार्यकारिणी  सदस्य राहुल चिकोडे यांनी सदस्यता नोंदणी अभियान कार्यशाळेची रूपरेषा स्पष्ट केली.  भाजपा प्रदेश सचिव महेश जाधव यांनी सदस्यता नोंदणी अभियानाची बदलती पद्धत व आगामी कार्यक्रमासंबंधी माहिती दिली. 

याप्रसंगी अशोक देसाई, गायत्री राउत, डॉ राजवर्धन, अप्पा लाड, राजू मोरे, शैलेश पाटील, उमा इंगळे, माधुती नकाते, धनश्री तोडकर, विजयसिंह खाडे-पाटील, भरत काळे, दिग्विजय कालेकर, अमर साठे, मंगला निपाणीकर, संगीता खाडे, सुधीर देसाई, सचिन कुलकर्णी, अभिजित शिंदे, प्रकाश सरनाईक, विशाल शिराळकर, सतीश घरपणकर, गिरीश साळोखे, अनिल कामत,  आजम जमादार, संतोष माळी, संदीप कुंभार, सयाजी आळवेकर, किरण नकाते, दिलीप मेत्राणी, अमोल पालोजी, रविकिरण गवळी आदी उपस्थित होते.