आयकर कायद्याचे अज्ञान पतसंस्थांना ठरू शकते आर्थिकदृष्ट्या महागडे – सीए अजय शेडबाळे इचलकरंजी, दि.
schedule22 Nov 26 person by visibility 13 categoryउद्योग
महाराष्ट्र न्यूज वन प्रतिनिधी : सहकारी पतसंस्थांनी केवळ व्यवसायवृद्धीवर लक्ष केंद्रित न करता आर्थिक शिस्त, पारदर्शकता आणि आयकर कायद्याचे काटेकोर पालन करणे आवश्यक आहे. कायद्याच्या अज्ञानामुळे संस्थांना अनावश्यक कर, व्याज व दंडाचा आर्थिक फटका बसू शकतो, असे प्रतिपादन जयसिंगपूर येथील सीए अजय शेडबाळे यांनी केले.महाराष्ट्र सहकार विकास महामंडळ मर्यादित, पुणे व जिल्हा उपनिबंधक, सहकारी संस्था, कोल्हापूर यांच्या संयुक्त विद्यमाने इचलकरंजी व शिरोळ येथे आयोजित सहकारी पतसंस्थांच्या एकदिवसीय प्रशिक्षण कार्यशाळेत ते बोलत होते. ‘पतसंस्थांची आर्थिक पत्रके तयार करताना आयकर कायद्यातील तरतुदींचा विचार’* या विषयावर त्यांनी मार्गदर्शन केले. करसवलती, आर्थिक पत्रकांची अचूकता, कायदेशीर जबाबदाऱ्या आणि भविष्यातील करजोखीम टाळण्यासाठी आवश्यक दक्षता याबाबत त्यांनी उपस्थितांना मार्गदर्शन केले.