Maharashtra News 1
Register
Breaking : bolt
ग ढडडॉ. पी. एम. चौगुले लिखित औषधांच्या पलीकडे : एक सायकियाट्रिस्टची यशोगाथा पुस्तकाचे रविवारी प्रकाशनरिक्षा व्यावसायिकांचे सोमवारी रिक्षा बंद आंदोलन, जिल्हाधिकारी कार्यालयासमोर निदर्शनेमंत्री -आमदारांच्या निधीच्या अट्टाहासामुळे जिल्हा परिषद सदस्यावर उपोषणाची वेळ, काँग्रेसचा हल्लाबोलकोल्हापुरातील तालमीत साकारणार पैलवान ग्रंथालय, शनिवारी पुस्तक भेट- लोगो अनावरणाचा कार्यक्रम! नव्या निवडीत महापौरपदी मूळ ओबीसींना संधी  ! की दाखले काढणाऱ्यांची चलती ?काँग्रेसच्या नगरसेवकांनी केली महापालिकेच्या सर्वसाधारण सभेची मागणीआरोग्य, बांधकामचे मुख्य अधिकारी रजेवर ! अन्य अधिकाऱ्यांकडे अतिरिक्त कार्यभार!!फिल्म फेडरेशन ऑफ इंडियाच्या उपाध्यक्षपदी मेघराज राजेभोसलेगोकुळतर्फे दूध खरेदी -विक्री दरात वाढ, २१ नोव्हेंबरपासून अंमलबजावणी

जाहिरात

 

डॉ. पी. एम. चौगुले लिखित औषधांच्या पलीकडे : एक सायकियाट्रिस्टची यशोगाथा पुस्तकाचे रविवारी प्रकाशन

schedule20 Nov 26 person by visibility 14 categoryआरोग्य

महाराष्ट्र न्यूज वन प्रतिनिधी -: कोल्हापुरातील मानसोपचारतज्ज्ञ डॉ. पी. एम. चौगुले लिखित ‘औषधांच्या पलीकडे : एक सायकियाट्रिस्टची यशोगाथा’ या पुस्तकाचा प्रकाशन समारंभ रविवारी (२२ नोव्हेंबर २०२६) आयोजित केला आहे. मनोविकारतज्ज्ञ डॉ. नंदू मुलमुले यांच्या हस्ते आणि साहित्यिक डॉ. सुनीलकुमार लवटे यांच्या अध्यक्षतेखाली हा समारंभ होत आहे. संगीतसूर्य केशवराव भोसले नाट्यगृह येथे सकाळी दहा वाजता कार्यक्रमाला सुरुवात होईल. कोल्हापूर मेडिकल असोसिएशन, जेरियाट्रिक सोसायटी, स्वस्तिक हॉस्पिटल आणि भाग्यश्री प्रकाशन यांच्या संयुक्त विद्यमाने हा कार्यक्रम होत आहे.

डॉ. चौगुले म्हणाले, ‘हे पुस्तक म्हणजे केवळ वैद्यकीय उपचारांचा लेखाजोखा नाही. तर रुग्णातील माणसाला समजून घेणारा व अंतर्मुख करणारा प्रवास आहे. या पुस्तकात एकूण ३८ कथावजा लेखांमधून आजारपणातून बाहेर पडलेल्या रुग्णांची यशोगाथा उलगडली आहे. अंधश्रद्धेच्या गर्तेतून बाहेर पडून शास्त्रीय उपचाराकडे वळलेले, व्यसनाधीनतेवर मात करणारी आणि कौटुंबीक तणावातून मार्ग काढणाऱ्या रुग्णांच्या अनुभवावर आधारित हे पुस्तक आहे. या पुस्तक प्रकाशन सोहळयास साहित्यप्रेमींनी उपस्थित राहावे. ’ पत्रकार परिषदेला डॉ. ए. बी. पाटील, डॉ. महावीर मिठारी, डॉ. संदीप पाटील, डॉ. दीपक जोशी, डॉ. निखिल चौगुले, भाग्यश्री पाटील आदी उपस्थित होते.

जाहिरात

 
Copyright © 2026. All Rights Reserved by Maharashtra News 1.
Designed & Developed by Adhvik go Online
JSON Output

    
Settings
Theme
themes