डॉ. रईसा मुल्ला यांना पीएचडी
schedule21 Nov 26 person by visibility 14 categoryशैक्षणिक
महाराष्ट्र न्यूज वन -: संजय घोडावत इन्स्टिट्यूट, अतिग्रे येथील इलेक्ट्रॉनिक्स अँड टेलिकम्युनिकेशन इंजिनिअरिंग विभागाच्या विभागप्रमुख डॉ. रईसा मुल्ला यांनी शिवाजी विद्यापीठ, कोल्हापूर अंतर्गत डिपार्टमेंट ऑफ टेक्नॉलॉजी येथून पीएचडी पदवी प्राप्त केली. त्यांचा संशोधन विषय “मशीन लर्निंगचा वापर करून मधुमेही आणि मधुमेह नसलेल्या रुग्णांमधील कोविडमुळे होणाऱ्या मृत्यूच्या जोखमीचे मूल्यांकन” असा होता. या संशोधनासाठी त्यांना भारती विद्यापीठ अभियांत्रिकी महाविद्यालय, कोल्हापूरइलेक्ट्रॉनिक्स अँड टेलिकम्युनिकेशन इंजिनिअरिंग विभागाचे विभाग प्रमुख प्रा. डॉ. के. आर. देसाई यांचे मार्गदर्शन लाभले. या संशोधनामध्ये कोविड संसर्गाचा मधुमेही तसेच मधुमेह नसलेल्या रुग्णांवर होणारा परिणाम आणि त्यांच्यातील मृत्यूची संभाव्य जोखीम यांचा मशीन लर्निंग तंत्रज्ञानाच्या आधारे अभ्यास करण्यात आला आहे. डॉ. मुल्ला यांच्या या यशाबद्दल संजय घोडावत विद्यापीठाचे चेअरमन संजय घोडावत, विश्वस्त विनायक भोसले, इन्स्टिट्यूट चे संचालक डॉ. विराट गिरी यांनी अभिनंदन केले.