महाराष्ट्र न्यूज वन प्रतिनिधी, कोल्हापूर :  कोल्‍हापूर जिल्‍हा सहकारी दूध उत्‍पादक संघातर्फे विविध क्षेत्रात उल्लेखनीय यश मिळवलेल्या गुणवतांचा सत्कार करण्यात आला. गोकुळचे चेअरमन अरुण डोंगळे यांच्या हस्ते सत्कार करण्यात आला. गोकुळ शिरगाव येथील गोकुळ प्रकल्प कार्यालयात कार्यक्रम झाला. महपुराच्या कालावधीत पाण्यात उतरुन दूध पुरवठा सुरळीत करणाऱ्या संचालकांचा सत्कार झाला. 

  याप्रसंगी कुस्तीपटू रोहिणी खानदेव देवबा (पठ्ठणकोडोली ), यश काशिनाथ कामांना ( पठ्ठणकोडोली),  प्रथमेश सूर्यकांत पाटील  (बानगे) यांनी थायलंड येथे झालेले आशिया कुस्ती चॅपियानशिप स्पर्धेत यश मिळवल्याबद्दल सत्कार झाला. प्रविण प्रकाश दिंडे (पिरवाडी ) यांची मुंबई पोलिस येथे निवड  व  समर्थ गजानन म्हाकवे (पट्टणकोडोली) यांची जॉर्डन येथे झालेल्या रोमन कुस्ती स्पर्थेत यश मिळाल्याबद्दल सतकर झाला. 

चेअरमन डोंगळे म्हणाले, ‘  ग्रामीण भागातील व्यक्ती आपल्या गुणवत्तेच्या जोरावरती वेगवेगळ्या क्षेत्रामध्ये प्राविण्य मिळवत असून जिल्ह्याचे व देशाचे नाव आंतरराष्ट्रीय पातळीवर उज्वल करत आहेत. अशा व्यक्तींना नेहमीच प्रेरणा देण्याचे काम गोकुळने केले आहे. सर्व सत्कारमूर्तींची कामगिरी ही कौतुकास्‍पद आहे.”