महाराष्ट्र न्यूज वन प्रतिनिधी, कोल्हापूर  : येथील नामांकित देशभक्त रत्नाप्पा कुंभार कॉलेज ऑफ कॉमर्सच्या प्राचार्यपदी डॉ. वर्षा मैंदर्गी यांची निवड झाली. त्यांना कोल्हापूर येथील कमला कॉलेज येथे प्राध्यापकपदी काम केले आहे. तसेच शिवाजी विद्यापीठातील व्यवस्थापन परिषद, विद्यापरिषद आणि विविध समित्यांवर काम करण्याचा प्रदिर्घ अनुभव आहे.   डॉ. मैंदर्गी यांनी कौन्सिल ऑफ एज्युकेशन या  संस्थेचे सचिव डॉ. श्री. विश्वनाथ मगदूम यांच्या उपस्थितीत कॉलेजचे प्रभारी प्राचार्य प्रा. डॉ. कॅप्टन आर. एस. नाईक यांच्याकडून पदभार स्वीकारला. याप्रसंगी डॉ. मगदूम यांनी नवनियुक्त प्राचार्यांचे तसेच महाविद्यालयात नवनियुक्त जनसंपर्क अधिकारी या पदावर रूजू झालेल्या निरंजन सवने यांचे स्वागत केले. नाईट कॉलेज ऑफ आर्ट्स अँड कॉमर्स कॉलेजच्या प्राचार्य पदी निवड झालेल्या प्रा. डॉ. श्री. उत्तम पाटील यांचे अभिनंदन केले.