महाराष्ट्र न्यूज वन प्रतिनिधी, कोल्हापूर  : कोल्हापूर जिल्हा सहकारी दूध उत्पादक संघातर्फे लवकरच गोकुळ केसरी कुस्ती स्पर्धा घेण्यात येणार असल्याचे चेअरमन नविद मुश्रीफ यांनी सांगितले. गोकुळच्या संचालक मंडळाच्या बैठकीत या विषयावर चर्चा होऊन कुस्ती स्पर्धा घेण्याचे ठरले. निवडणुकीचा कालावधी संपल्यानंतर लगेचच या स्पर्धांचे आयोजन करण्यात येईल, असे मुश्रीफ यांनी स्पष्ट केले. यापूर्वी गोकुळच्या वतीने राज्य व राष्ट्रीय स्तरावरील गोकुळ केसरी कुस्ती स्पर्धा आयोजित केल्या जात होत्या. मात्र काही कारणांमुळे मागील काही वर्षांपासून या स्पर्धांना विराम मिळाला होता.    कोल्हापुरातील विविध तालीम संघटनांचे पदाधिकारी, मल्ल व कुस्तीप्रेमी यांनी संघाचे संचालक, नेतेमंडळी आणि चेअरमन मुश्रीफ यांची भेट घेऊन स्पर्धा पुन्हा सुरू करण्याची मागणी केली होती. संचालक मंडळाच्या मंगळवारी झालेल्या बैठकीत स्पर्धा पुन्हा सुरू करण्याचा सर्वानुमते ठरले. यावेळी संचालक विश्वास पाटील, अरुण डोंगळे, संचालक बाबासाहेब चौगले, अजित नरके, शशिकांत पाटील–चुयेकर, किसन चौगले, रणजितसिंह पाटील, नंदकुमार ढेंगे, कर्णसिंह गायकवाड, संभाजी पाटील, प्रकाश पाटील, अमरसिंह पाटील, बयाजी शेळके, बाळासो खाडे, चेतन नरके, युवराज पाटील, राजेंद्र मोरे, मुरलीधर जाधव, संचालिका श्रीमती अंजना रेडेकर,  शौमिका महाडिक, कार्यकारी संचालक डॉ.योगेश गोडबोले उपस्थित होते.

.............................................

गोकुळतर्फ चेतन नरके यांचा सत्कार

महाराष्ट्र राज्याचा नवीन सहकार धोरण समितीवर गोकुळचे संचालक चेतन नरके यांची निवड झाल्याबद्दल  गोकुळ परिवारच्यावतीने संघाचे चेअरमन नविद मुश्रीफ यांचे हस्ते त्यांचा सत्कार करण्यात आला.महाराष्ट्र राज्याचा नवीन सहकार धोरण समितीवर गोकुळचे संचालक चेतन नरके यांची निवड झाल्याबद्दल  गोकुळ परिवारच्यावतीने संघाचे चेअरमन नविद मुश्रीफ यांचे हस्ते त्यांचा सत्कार करण्यात आला. तसेच गोकुळ दूध संघाने अलीकडेच गाय व म्हैस दूध खरेदी दरात वाढ, तसेच संस्था कमिशनमध्ये प्रति लिटर १० पैसे, सचिव कमिशनमध्ये ५ पैशांची वाढ, आणि महालक्ष्मी पशुखाद्याच्या दरात ५० रुपयांची कपात केल्याबद्दल संघाचे चेअरमन मुश्रीफ व संचालक मंडळाचा सत्कार करण्यात आला.