महाराष्ट्र न्यूज वन प्रतिनिधी, कोल्हापूर : समाजकारण आणि राजकारणातील काही मंडळी फायदा-तोटयाचं गणित घालून काम करतात. मात्र काही जण त्याला अपवाद असतात. निस्वार्थपणे सामाजिक कार्यात सक्रिय असतात. लोकांच्या मदतीला धावून जातात. अडचणीच्या काळात पाठबळ देतात…त्यापैकी शाहूपुरी परिसरातील व्यक्तिमत्व म्हणजे, प्रकाश नाईकनवरे …!

गेल्या अडीच - तीन दशकांपासून ते सामाजिक क्षेत्रात काम करत आहेत. सामाजिक बांधिकलकी मानणारा हा कार्यकर्ता. लोकांच्या मदतीला धावून जाण्याची वृती. यामुळे शाहूपुरी परिसरातील लोकांनी त्यांच्या कुटुंबीयांवर भरभरुन प्रेम दिलं. प्रकाश नाईकनवरे यांना तीन वेळेला महापालिकेत निवडून दिलं. त्यांच्या पत्नी प्रतिभा नाईकनवरे नगरसेविका झाल्या. २०१० मधील महापालिका निवडणुकीत प्रतिभा नाईकनवरे व प्रकाश नाईकनवरे या दोघे निवडून आले. प्रभागातील लोकांनी त्यांच्यावरील प्रेम आणि विश्वास मतपेटीतून व्यक्त केला. दोन्ही प्रभागाचा विकास साधत त्यांनी लोकांचा विश्वास सार्थ ठरविला.

२०१५ मधील निवडणुकीत त्यांच्या स्नुषा पूजा स्वप्नील नाईकनवरे या शाहूपुरी तालीम या प्रभागातून निवडून आल्या. त्या उच्चशिक्षित आहेत. एमबीएची पदवी घेतलीय. नगरसेविका म्हणून त्यांनी प्रभागात नेतृत्व महापालिकेत प्रभावीपणे केले. सेवेचा वारसा सक्षमपणे चालविला. प्रभागातील विकासकामे असोत की नागरिकांच्या अडचणी, त्या सोडविण्यासाठी नाईकनवरे कुटुंबांतील सदस्य प्रामाणिकपणाने प्रयत्न करणार. लोकांना न्याय मिळवून देणार ही त्यांच्या कामाची पद्धत. महापुराची आपत्ती असो की कोरोनासारखी महामारी…अशा संकटाच्या काळात नाईकनवरे यांनी भागातील लोकांना आधार दिला. आरोग्य सुविधा पुरविल्या. हा माझा मतदार…तो दुसऱ्याचा मतदार असा कधी भेदभाव केला नाही. माणुसकीच्या नात्याला प्राधान्य देत प्रत्येकाला मदतीचा हात दिला. यामुळे प्रभागातील प्रत्येक घरांशी, प्रत्येक मतदारांशी विश्वासाचं, आपुलकीचं नातं तयार झाले आहे. लोकांशी नाळ कधी तुटू दिली नाही. याचे प्रत्यंतर आता प्रभाग क्रमांक चौदामधील प्रचारादरम्यान त्यांना येत आहे. प्रभागातील कोणत्याही भागात प्रचार फेरी असली की महायुतीचे उमेदवार प्रकाश नाईकनवरे यांच्याभोवती लोकांचा गराडा पडतो. ‘आम्ही तुमच्यासोबत…’अशी ग्वाही मतदार देत आहेत. प्रकाश नाईकनवरे हे प्रभाग क्रमांक चौदामध्ये महायुतीचे उमेदवार आहेत. शिवसेनेच्या धनुष्यबाण चिन्हावर निवडणूक लढवित आहेत.