महाराष्ट्र न्यूज वन प्रतिनिधी : गडहिंग्लज फुटबॉल युनायटेड असोसिएशनच्या अध्यक्षपदी जिल्हा परिषदेचे माजी उपाध्यक्ष सतीश पाटील, उपाध्यक्षपदी जगदीश पट्टणशेट्टी यांची निवड करण्यात आली. ज्येष्ठ खेळाडू महादेव पाटील यांच्या अध्यक्षतेखाली बैठक झाली. असोसिएशनमार्फत येत्या वर्षभरात राबविण्यात येणाऱ्या फुटबॉल विषय उपक्रमांना मंजुरी देण्यात आली. एम. आर. हायस्कूलच्या सभागृहात बैठक झाली. असोसिएशनचे सचिव दीपक कुपन्नावर यांनी प्रास्ताविक केले. स्पर्धा विभाग समन्वयक ओमकार जाधव यांनी यंदाच्या हंगामात होणाऱ्या स्पर्धांचे वेळापत्रक जाहीर केले. ललित शिंदे यांनी स्वागत केले. माजी अध्यक्ष कोळकी यांनी गेल्या वर्षभरातील कामगिरीचा आढावा घेतला. यावेळी संचालक प्रशांत दडीकर, यासीन नदाफ, नितीन पाटील, सुभाष पाटील, संतोष नीळकंठ, सौरभ जाधव, सागर पोवार आदी उपस्थित होते.