कोल्हापूर:प्राचार्य रा.कृ. कणबरकर माजी कुलगुरू, शिवाजी विद्यापीठ  कोल्हापूर हे शिक्षण क्षेत्रातील तज्ञ आणि आदरणीय व्यक्तिमत्व. त्यांच्या जीवनात त्यांचा अनेक विद्यार्थी,प्राध्यापक,आणि समाजातील अनेक मान्यवरांशी संबंध येऊन गेला आणि आठवणींच्या रूपाने  त्यांच्याकडे तो ठेवा आहे.यातून त्यांना काही अनुभव आले असतील.सर्व ज्ञान अनुभवजन्य असते. या दृष्टीने आम्ही त्यांच्या आठवणींचे"प्राचार्य कणबरकर आठवणी आणि अनुभव" ग्रंथ रूपाने प्रसिद्ध करावयाचे ठरविले असून त्याचा लाभ पुढच्या पिढीला सुद्धा होईल. त्या करिता त्यांच्या बरोबर काम केलेल्या त्यांच्या संपर्कातील सहकारी ,तसेच त्यांनी ज्या ज्या महाविद्यालयात व विद्यापीठात  काम केले तेथील विद्यार्थी यांचेकडून आठवणींच्या स्वरूपात लेख,  साहित्य मागविण्यात येत आहेत . .
  लेख लिहिताना प्राचार्य कणबरकर साहेबांचा कोणता गुण किंवा पैलू आपणास विशेष करून भावला याचा उल्लेख करणे अपेक्षित आहे .
अशाप्रकारे संकलीत झालेल्या लेखांचे संपादन व संकलन करण्यासाठी प्राचार्य कणबरकर साहेंबांच्या विचाराने प्रेरित असणारे प्रा .डॉ भालबा विभूते, प्रा.डॉ डी यू पवार , प्रा.डॉ रमेश जाधव , प्रा डॉ बी एम हिर्डेकर , प्रा.डॉ टी एस पाटील, प्रा डॉ दिनकर पाटील  व डॉ नमिता खोत ( प्राचार्य कणबरकर सरांची कन्या ) यांची समिती गठीत केली आहे
.   तरी  सर्वांना विनंती करण्यात येत आहे की आपण खालील पत्त्यावर आपले लेख सॉफ्ट कॉपी( word file ) किंवा हार्डकॉपी दि 30 सप्टेंबर २०२५ पर्यंत आपल्या नाव ,पत्ता ,मोबाईल नंबर व ईमेल सहीत पाठवून द्यावी . सदर साहित्य , लेखासाठी कोणतीही शब्द मर्यादा नाही
  पत्ता:डॉ नमिता बाबासाहेब खोत
वक्रतुंड, प्लॉट नं २१ , आर के नगर सोसा नं ४
मोरेवाडी, कोल्हापूर-४१६०१३
मो .नं  ९८९००७०४०४(whats up) 
Email - namitalibrarian@gmail.com .
_______________________________

 प्रति.,
माननीय संपादक/ व्यवस्थापक साहेब . 

     आपल्या लोकप्रिय दैनिकात वरील बातमी सर्व आवृत्ती मध्ये प्रसिद्ध करून सहकार्य करावे ही नम्र विनंती . 

 कळावे, 
आपली विश्वासू
 डॉ. नमिता बाबासाहेब खोत 
कोल्हापूर मो. नं. 9890070404

महाराष्ट्र न्यूज वन प्रतिनिधी, कोल्हापूर: संजय घोडावत विद्यापीठाचा विद्यार्थी ओंकार पडळकर याने ऑल इंडिया इंटर-युनिव्हर्सिटी बेस्ट फिजिक स्पर्धेमध्ये सुवर्णपदक जिंकून विद्यापीठाचा गौरव वाढवला आहे. तसेच, त्याने आय एफ बी बी युनिव्हर्सिटी २०२४ हा प्रतिष्ठेचा किताब जिंकत आंतरराष्ट्रीय स्तरावरही आपली छाप निर्माण केली आहे.

या यशाबद्दल विद्यापीठाचे  विश्वस्त  विनायक भोसले,  कुलगुरू डॉ. उद्धव भोसले,  कुलसचिव डॉ. विवेक कायंदे,  क्रीडा अधिकारी  सुर्यजीत घोरपडे यांनी ओंकारचे अभिनंदन केले. या यशामध्ये विद्यापीठाचे चेअरमन  संजयजी घोडावत यांचे  प्रोत्साहन आणि मार्गदर्शन महत्त्वाचे ठरले आहे. ओंकारच्या या मेहनती आणि कौशल्यामुळे त्याची निवड २०२५ मध्ये होणाऱ्या
अर्नोल्ड क्लासिस स्पर्धेसाठी झाली आहे.