महाराष्ट्र न्यूज वन प्रतिनिधी, कोल्हापूर : कोल्हापूर जिल्हा सहकारी दूध उत्पादक संघाच्या संचालक मंडळात  आता युनियनचे दोन कर्मचारी असणार आहेत. गोकुळ दूध संघाचे चेअरमन नविद मुश्रीफ यांच्या अध्यक्षतेखाली संचालक मंडळाची मंगळवारी, (२१ एप्रिल २०२६ ) झाली.ज्येष्ठ संचालक विश्वास पाटील, अरुण डोंगळे यांची प्रमुख उपस्थिती होती. संचालक मंडळावर दोन कर्मचारी संचालक नियुक्त करावेत अशी मागणी गेली काही वर्षे सुरु होती. संचालक मंडळाच्या बैठकीत युनियनचे दोन संचालक नियुक्तीचा ठराव मंजूर करण्यात आला. या मान्यतेचा प्रस्ताव आता राज्य सरकारकडे पाठविला जाणार आहे. राज्य सरकारच्या मान्यतेनंतर युनियनचे दोन संचालक नियुक्त केले जातील.