महाराष्ट्र न्यूज वन प्रतिनिधी, कोल्हापूर
रेखा सम्राट टी. के. वडणगेकर यांच्या २३ व्या स्मृतिदिनानिमित्त ‘गुरु शिष्य’ उपक्रमांतर्गत कलाप्रदर्शनाचा प्रारंभ शुक्रवारी, १५ रोजी होत आहे. प्रदर्शनाचे उदघाटन सकाळी १०.३० वाजता शाहू स्मारक भवन येथे विजयमाला मेस्त्री-पेंटर यांच्या हस्ते होणार आहे. तर प्रमुख पाहुणे इतिहास संशोधक इंद्रजित सावंत आहेत. दळवीज आर्ट इन्स्टिट्यूटच्या सचिव प्रा. अर्चना आंबिलधोक, प्राचार्य अजय दळवी, उदय कुंभार यांची प्रमुख उपस्थिती आहे. या सोहळ्यात के. आर. कुंभार उपक्रमशील युवा कलाकार पुरस्कार शिल्पकार ओंकार कोळेकर यांना प्रदान करण्यात येणार आहे.
या प्रदर्शनामध्ये विजय टिपुगडे, विलास बकरे, शिवाजी मस्के, मनोज दरेकर,संतोष पोवार, नागेश हंकारे, बबन माने, अभिजीत कांबळे, प्रविण वाघमारे, गजेंद्र वाघमारे, शैलेश राऊत, किशोर राठोड,राहूल रेपे, विजय उपाध्ये, अरिफ तांबोळी, प्रकाश मोहिते, नवज्योत काळे, सर्वेश देवरूखकर, पुष्कराज मेस्त्री, शुभम कुंभार, ओंकार कोळेकर, इंद्रजित बंदसोडे, पुनम राऊत, सुदर्शन वंडकर यांच्या कलाकृतींचा समावेश आहे. हे प्रदर्शन १५ ते २१ मार्च या कालावधीत सवार्साठी खुले राहणार आहे.